Ігумення Гаўрыіла на форуме ў Санкт-Пецярбургу. Фота: Гродзенскага Ражджаства-Багародзічнага стаўрапігіяльнага жаночага манастыра
Настаяцельніца Гродзенскага Ражджаства-Багародзічнага стаўрапігіяльнага жаночага манастыра ігумення Гаўрыіла (Марыя Глухава) атрымала грамату ад Арміі Расіі. Ёй дзякуюць за дапамогу вайскоўцам батальёна РЭБ (падраздзяленне радыёэлектроннай барацьбы), які ўдзельнічае ў захопніцкай вайне Расіі супраць Украіны.
Грамату ёй уручылі ў Расіі ў межах II Усерасійскага форума Сусветнага рускага народнага сабора ў Санкт-Пецярбургу, напісала прарасійская актывістка Вольга Бондарава ў сваім канале. Фота з мерапрыемства, у тым ліку з расійскімі вайскоўцамі, апублікаваў сайт гродзенскага манастыра. Праўда, пра грамату там не паведамілі.
Сусветны рускі народны сабор — арганізацыя, створаная ў 1993 г. пад эгідай Рускай праваслаўнай царквы, прапагандуе ідэі «рускага свету». Так, на форуме «Рускі свет» у ліпені 2024 г. у Крыму арганізацыя абмяркоўвала «механізмы палітычнага, навуковага і прававога прызнання і замацавання дактрыны трыадзінства рускага народа», «мэты СВА ў кантэксце супрацьстаяння Расіі і калектыўнага Захаду, нацысцкі характар кіеўскага рэжыму і вяртанне яе жыхароў у рускую цывілізацыйную прастору».
Форум у Пецярбургу праходзіў пад назвай «Фарміраванне нацыянальнай ідэі суверэннай Расіі». Гаўрыіла выступала там з расказам пра поспехі супрацоўніцтва дзяржавы і царквы ў Беларусі. Як прыклад яна прывяла рашэнне аб адкрыцці школ пры манастырах. Раней канал, звязаны з сілавікамі, паведамляў, што пры гродзенскім манастыры адкрыюць першы прытулак для дзяцей, чыіх бацькоў пазбавілі бацькоўскіх правоў. Магчымасць стварэння такіх дзіцячых дамоў пры манастырах Беларусі ў 2024 годзе замацавалі заканадаўча.
Вясной 2024 года прапагандыстка Ксенія Лебедзева прывезла салдатам расійскага боку на Данбас дапамогу, якую сабрала ігумення Гаўрыіла, і лісты ад «гродзенскіх дзяцей». Пры гэтым летась Гаўрыілу занеслі ў Кнігу славы Гродзенскай вобласці.
Чытайце таксама: У Гродне на Савецкай пройдзе праваслаўны фестываль. Яго арганізуе манастыр, які падтрымлівае вайну
Новы аб'ект грамадскага харчавання адкрыецца ў будынках № 31 і № 33 па вул.Вялікай Траецкай…
Домік для бяздомных катоў з'явіўся ў адным з аграгарадкоў пад Гроднам. У ім ужо пасялілася…
Напярэдадні свят на польска-беларускай мяжы сабраліся чэргі з турыстычных аўтобусаў і легкавых аўтамабіляў. У сацыяльных…
Нацыянальны банк Беларусі рыхтуе да выпуску памятныя манеты, прысвечаныя 200-годдзю Аўгустоўскага канала. Адпаведная інфармацыя з'явілася…
Завадчане працягваюць прыцягвацца па артыкуле 19.11 КаАП. Гэта нягледзячы на неаднаразовыя заклікі перагледзець свае сацыяльныя…
23 снежня ў Рэспубліканскі спіс экстрэмісцкіх матэрыялаў унеслі акаўнты ў Facebook і візуальны матэрыял гродзенцаў…