Дзіця катаецца на цюбінгу, фота ілюстрацыйнае. Фота: Kostiantyn Li, unsplash.com
Сёлета зімой гродзенцы не змогуць пакатацца на цюбінгах у межах горада. Чыноўнікі гарвыканкама правялі маніторынг і вырашылі, што ў Гродне няма бяспечных месцаў, дзе можна было б зрабіць трасу для катання. Раней гараджанам абяцалі новую трасу непадалёк ад цэнтру.
У Гродне няма месцаў, якія адпавядаюць бяспецы і тэхнічным умовам для катання на цюбінгу — такую выснову зрабілі чыноўнікі пасля маніторынгу горада.
«Тут шэраг нюансаў, якія не дазваляюць бяспечна абсталяваць такія трасы. А тых, хто любіць цюбінгі і горныя лыжы, запрашаем у парк „Каробчыкі Алімп“», — паведаміў у эфіры «Гродна Плюс» начальнік аддзелу спорту і турызму Гродзенскага гарвыканкама Сяргей Кулакоў.
Замест цюбінгаў гродзенцам абяцаюць 30 лядовых пляцовак, а таксама лыжныя трасы ў Румлёўскім парку і ў Пышках, працягласцю больш за кіламетр.
Мінулай зімой чыноўнікі абяцалі гродзенцам, што ў горадзе з’явіцца цюбінгавая траса. Яе планавалі пабудаваць акурат да зімняга сезону 2024−2025 года.
Тады намеснік начальніка аддзела спорту і турызму Гродзенскага гарвыканкама Дзмітрый Брычак прызнаваў, што праблема з наяўнасцю трасы для катання на цюбінгу стаіць востра.
«У сувязі з гэтым распрацоўваецца пытанне пабудовы ў горадзе спецыялізаванай трасы для цюбінгу ў самым размяшчэнні горада», — адзначаў ён.
Пытанне з абсталяваннем новай трасы паўстала пасля таго, як шасцігадовая дзяўчынка атрымала сур’ёзныя траўмы на горцы з трамплінам у Альшанцы.
Але ў сезоне 2024−2025 траса для цюбінгаў у «Каробчыцкім Алімпе» застанецца адзінай абсталяванай у ваколіцах Гродна.
Трохпакаёвая кватэра знаходзіцца на вуліцы Савецкіх пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…
Маршрут праз усю Беларусь запусціла гродзенская фірма "Пазітыў-тур". Шлях з Гродна ў Віцебск складзе амаль…
Гродзенскі блогер і краязнаўца Яўген Аснарэўскі прадставіў першую канцэпцыю рэканструкцыі палаца роду Пшаздзецкіх. Калі б…