Навіны

Нерухомасць тыдня: двухпавярховыя кватэры ў таунхаусах на Дзевятоўцы

У Гродне на продаж выставілі двухпавярховыя кватэры ў свежапабудаваных таунхаусах на Малышчынскай. З аднаго боку панарамныя вокны выходзяць на падворкі і ўтульны прыватны сектар і палі, а з другога — на вышынныя дамы мікрараёна Дзевятоўка-7.

Такі варыянт папасуе тым, хто хоча сумясціць плюсы загараднага дома і гарадской кватэры: напрыклад, гатаваць на мангале і лёгка дабірацца да працы. Раён з развітой інфраструктурай: побач дзіцячы сад, супермаркет «Алмі», аптэкі, прыпынкі транспарту, школы, стадыён, паліклініка і храмы. Усяго за 5 хвілін на машыне можна даехаць да гістарычнага цэнтра і чыгуначнага вакзала, пры гэтым недалёка ад дома будзе выезд на аб’язную дарогу.

Кватэры двухпавярховыя, чатырохпакаёвыя, з вялікай кухняй і трохметровымі столямі. У кожнай кватэры — добраўпарадкаваная тэраса, а санвузел ёсць на кожным паверсе. Прадаюцца без рамонту.

У продажы ёсць прапановы агульнай плошчай 209, 8 кв. м за $ 173 тыс. (557 803,9 руб.) і 141 кв. м за $ 139 тыс. (448 177,7 руб.). Таннейшы варыянт — у асобным двухкватэрным доме, з агароджаным участкам у 0,035 га, двума лоджыямі і тэрасай на 13,1 кв. м. Кухня сумешчаная з гасцінай. Разам з даражэйшай кватэрай уладальнік атрымае ўчастак у 0, 02 га, ёсць лоджыя. Гэта будзе таунхаус, злучаны з суседзямі толькі адной агульнай сценкай.

Праўда, заехаць у жыллё проста цяпер не атрымаецца: дамы яшчэ не здалі ў эксплуатацыю. Гэта абяцаюць зрабіць у бліжэйшы час.

Чытайце таксама: Стала вядома, у колькі абыйдзецца «квадрат» у таунхаусах, якія будуюць у Грандзічах

Дамы ў сучасным стылі

Дамы пабудаваныя ў сучасным стылі з элементамі мінімалізму і хай-тэка. Гэта відаць па простых геаметрычных формах, строгіх лініях, выкарыстанні металу і шкла ў афармленні фасада.

У таунхаусах устаноўлены ўласныя міні-кацельні - можна самастойна рэгуляваць тэмпературу дома ў любы сезон, ёсць цёплыя падлогі з канвектарным ацяпленнем. Астатнія камунікацыі - водазабеспячэнне, газазабеспячэнне, электразабеспячэнне, каналізацыя і ліўневая каналізацыя — цэнтральныя.

Дамы пабудаваны з маналітнага каркаса і керамзітабетонных блокаў з высокай шумаізаляцыяй, дах — фальцавы з «еўрапейскімі» бясшумнымі дахавымі вентылятарамі. Панарамныя вокны — з энергазберагальнымі шклопакетамі. Ёсць відэаназіранне і відэадамафон. Сцены першага паверха аздоблены клінкернай пліткай.

Тэрыторыя пры двухпавярховых кватэрах будзе аформлена па праекце ландшафтнага дызайну. Таксама будзе дзіцячая і трэнажорная пляцоўкі, паркінг на тэрыторыі дома.

Пры куплі нерухомасці абяцаюць юрыдычнае суправаджэнне здзелкі.

Чытайце таксама: Бывший мясокомбинат в центре Гродно наконец продали. Там построят таунхаусы

Падзяліцца

Апошнія запісы

Фільм на кітайскай раскажа пра Гродна і яго «інвестыцыйную прывабнасць»

Іміджавы фільм аб інвестыцыйнай прывабнасці Гродна задумалі ў гарвыканкаме. На яго выдаткуюць бюджэтныя грошы. Відэа…

28 красавіка 2025

У Гродне з’явіўся амерыканскі дэсерт — печыва з рознымі начыннямі

У Гродне пачалі прадаваць «крамбл кукіс» — амерыканскае печыва з рознымі дадаткамі і салодкімі топінгамі.…

28 красавіка 2025

Назву гурта Dzieciuki і яго сацсеткі прызналі «экстрэмісцкімі». Падобна, што «экстрэмісцкай» стала і першая беларускамоўная газета

Сацсеткі панк-гурта з Гродна Dzieciukі і сам гэты надпіс у Беларусі прызналі "экстрэмісцкімі матэрыяламі". Паводле фармулёўкі…

27 красавіка 2025

Нерухомасць тыдня: у Гродне прадаюць дом з ажурным балконам за 60 метраў ад Нёмана

У Гродне на продаж выставілі дом на 2-м Падольным завулку - па суседстве з рэстаранам…

26 красавіка 2025

Школьнікі з Гродна трапілі пад прафілактыку за «зігаванне» і нацысцкую сімволіку

Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…

25 красавіка 2025

У Гродне правялі беларуска-польскі форум для бізнесменаў. Гаварылі пра важнасць Расіі

Дыялогавая пляцоўка для бізнесменаў з Беларусі і Польшчы прайшла ў Гродне 25 красавіка. Мясцовыя ўлады…

25 красавіка 2025