Фрагмент відэа гродзенскага футбаліста Ягора Зубовіча. Скрыншот Hrodna.life
Нападаючы футбольнага «Нёмана» Ягор Зубовіч прывёз кветкі да Вечнага агню на плошчы Перамогі ў Мінску. Гэта стала працягам апублікаванага ім раней «пакаяннага» відэа. Усё таму, што ў час гульні з дасады, выкліканай рашэннем трэнера, пнуў шчыт з надпісам «80 лет освобождению от немецко-фашистских захватчиков» на стадыёне.
29 верасня «Нёман» у Гродне гуляў з камандай «Славія» (Мазыр) ў 23-м туры чэмпіянату Беларусі. На 63-й хвіліне матча галоўны трэнер «Нёмана» Ігар Кавалевіч вырашыў памяняць форварда Ягора Зубовіча на Леанарда Гвета. Зубовіч раззлаваўся і, сыходзячы з поля, ударыў нагой па шчыце з банерам «80 лет освобождению от немецко-фашистских захватчиков». У шчыце ўтварылася дзірка. Эпізод трапіў на тэлебачанне.
Відэа з прабачэннямі каля Вечнага агня апублікавала выданне «Трыбуна». «Частка трэцяя, цырыманіяльная», — пракаментавала выданне.
Да гэтага, на наступны дзень пасля матча, Зубовіч апублікаваў відэа ў сваім Instagram з прабачэннямі за ўчынак і абяцаннем паставіць новы банер.
«Наконт інцыдэнту, які адбыўся ўчора пасля маёй замены ў матчы са „Славіяй“. Я ў парыве эмоцый ударыў па шчыце і разбіў яго. А ў раздзявальні ўжо даведаўся, які надпіс на ім. Я ні ў якім разе не хацеў апаганіць памяць воінаў-вызваліцеляў. Для мяне і для маёй сям'і Дзень Перамогі і Дзень Незалежнасці, то бок дзень вызвалення ад нямецка-фашысцкіх захопнікаў - гэта адны з галоўных святаў. Мае прабабуля і прадзядуля ваявалі. Я шчыра прашу прабачэння ва ўсіх, каго мог пакрыўдзіць мой учынак. Абавязуюся аднавіць гэты банер і паставіць новы. Яшчэ раз шчыра прашу прабачэння», — сказаў ён у відэа.
Паводле звестак «Трыбуны», гульца не выклікалі ў гродзенскія сілавыя структуры. Імаверна, відэа ён запісаў прафілактычна.
Ягор Зубовіч — майстар спорту міжнароднага класа. Яму 35 гадоў, ён паходзіць з Узды. У футболе з 2005 года, першая каманда — мінскі «Тарпеда-СКА», пасля змяніў некалькі каманд. За «Нёман» першы раз гуляў у 2013 годзе. У лютым 2021 года другі раз прыехаў у Гродна і падпісаў з «Нёманам» гадавы кантракт.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…