У Гродне адкрыўся «Ретробар» — з караоке, кальянам і беларускай кухняй

Новы бар пад назвай «Ретробар» адкрыўся ў Гродне на вуліцы Пушкіна, 29а. Раней на гэтым месцы быў бар «Пипплз». Новая ўстанова адкрылася літаральна на днях.

У бары можна паспяваць у караоке, папаліць кальян — 40 рублёў. Мяркуючы па фатаграфіях, на кранах будзе піва «Аліварыя» і Old Bobby. Для тых, хто не п’е алкаголь, у бары будзе кава.

Ва ўстанове будзе паўнавартаснае меню. Ёсць класічныя закускі і сэты коштам у 6−10 рублёў. Даражэй абыйдзецца «Сэт пад пеннае» ў 36 рублёў. Таксама на выбар шэсць відаў піцы (34−60 рублёў).

Асаблівай увагі заслугоўвае беларуская кухня. Ёсць:

• Дранікі са смятанай,
• Цэпеліны са смажанай грудзінкай,
• Калдуны бульбяныя з мясам,
• Бабка бульбяная з грудзінкай,
• Варэнікі з бульбай і грыбамі ў соусе,
• Каўбаскі па-хатняму з бульбяным пюрэ і тушонай капустай.

Стравы ў 400−600 грам абыдуцца ў 11−18 рублёў.

Бар працуе кожны дзень з 15.00 да 00.00.

— Мы зусім нядаўна адкрыліся і хочам пазнаёміцца, — пішуць стваральнікі. У інтэр'еры выкарыстоўвалі канапы і нізкія столікі. Зала ўпрыгожана карцінамі.

Чытайце таксама: У «Палацы» Сямашкі працуе новае кафэ. Раней там прадавалі бургеры і шаўрму