Фота: forma-odezhda.com
Уніформу Трэцяга рэйха, рыштунак і аксесуары вайскоўцаў нямецкай арміі часоў Другой сусветнай вайны вырабяць для СШ № 9 імя Сухамліна ў Слоніме.
Усяго вырабяць 69 элементаў адзення і аксесуараў. Заданне ўключае 17 найменняў. Вядома, што зробяць камплект формы афіцэра і восем камплектаў палявой формы. Таксама купяць сумку патронную, сухарную сумку і чахол лапатны скураны. Прадметы павінны быць выраблены па ўзорах 1911−1945 гадоў.
Слонімскі раённы цэнтр для забеспячэння дзейнасці ўстаноў сферы адукацыі выдаткуе на закупку да 15 000 рублёў. Форму закупляюць з 25 верасня па 20 снежня 2024 года.
Не сказана, для чаго школе форма. Магчыма, яе будуць выкарыстоўваць для рэканструкцый або для экспазіцыі школьнага музея. Чытач Hrodna.life, які сам раней вучыўся ў гэтай школе, сказаў, што ў школьным музеі сярод экспанатаў былі прыклады савецкай і нямецкай формы.
У 2014 годзе ў школе адкрыўся музей «Ваенная гісторыя Слонімшчыны». Фонд музея налічвае 258 экспанатаў, 148 з якіх — асноўны фонд. У ім адлюстравалі ўсю гісторыю горада ад кальчуг VIII стагоддзя да сучасных медалёў для ўзнагароджання вайскоўцаў.
Чытайце таксама: У Гродне з’явіцца скульптура «Генерал Карбышаў у глыбе лёду». Яе ўсталююць у СШ № 15
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Трохпакаёвая кватэра знаходзіцца на вуліцы Савецкіх пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…
Маршрут праз усю Беларусь запусціла гродзенская фірма "Пазітыў-тур". Шлях з Гродна ў Віцебск складзе амаль…