Рэканструкцыю воінскага пахавання на Фолюшы на месцы лагера «Шталаг 324» запланавалі ў Гродне. Для пачатку правядуць перадпраектныя і праектныя работы. Рэканструкцыя заключаецца ва ўсталёўцы гранітных пліт з нанясеннем гравіроўкі і аднаўленні існуючых пакрыццяў.
Таксама паглядзяць, ці трэба перабудоўваць інжынерныя камунікацыі. Пры добраўпарадкаванні тэрыторыю зробяць даступнай для людзей з інваліднасцю і фізічна аслабленых асоб.
Гродзенская гарадская ЖКГ размясціў заяўку, каб вывучыць кан’юнктуру рынку. Максімальна на праектныя работы гатовыя выдаткаваць 13 849,42 рублёў з гарадскога бюджэту. Зрабіць іх павінны да канца кастрычніка. А на само будаўніцтва вылучаюць 240 000 рублёў.
Воінскае пахаванне знаходзіцца побач са скрыжаваннем вуліц Соламавай і Фолюш. У 2023 годзе адміністрацыя Кастрычніцкага раёна Гродна збірала сярод гродзенцаў ідэі па рэканструкцыі мемарыяльнага комплексу.
«Шталаг 324» у Гродне — былы лагер ваеннапалонных плошчай 50 га. Існаваў з 1941 па 1943 гг. Там загінулі або былі расстраляныя больш за 15 тыс. чалавек ваеннапалонных і мірных жыхароў. Усяго праз яго прайшлі каля 36 тыс. чалавек.
У 1968 годзе на месцы лагера на вул. Соламавай усталявалі стэлу. Блізу яе ў брацкіх магілах хавалі парэшткі забітых, знойдзеныя падчас будаўнічых работ у былой вайсковай частцы.
У рэспубліканскім банку вакансій у Гродзенскай вобласці зарэгістравана 20 125 вакансій, з іх 6 908…
Мост праз раку Лашанку пад Гроднам, які змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх Пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…