Будаўніцтва мікрараёну "Вясенні". Фота: NewGrodno.by
У раёне вуліц Вясенняй і Каліноўскага будуецца новы мікрараён — там з’явіцца амаль 2000 кватэр. Зараз да будаўнічай пляцоўкі падвялі часовую дарогу і ўстанавілі вежавы кран. Будаўнічыя ўжо прыступілі да ўзвядзення першага дому.
Рэалізацыя праекту пачалася ўлетку 2024 года. У чэрвені на пляцоўцы з’явіўся будаўнічы гарадок, напрыканцы жніўня заклалі аснову для аднаго з дамоў. У верасні на будпляцоўцы ўжо з’явіўся вежавы кран і дарога для працоўнага транспарту, адзначае NewGrodno.by.
На ўчастку плошчай 35 гектараў планіруюць узвесці амаль 1900 кватэр у 5−9-павярховых панэльках і маналітных 19-павярховых «свечках».
Адной з канцэпцый мікрараёну стане «двор без машын» — паркоўкі вынясуць за перыметр двароў, а на прыдамавой тэрыторыі абсталююць дзіцячыя і гульнявыя пляцоўкі.
У асноўным дамы пабудуюць на пустцы, але пад частку раёна плануюць знесці прыватныя дамы.
Пра будучы знос жыхарам паведамілі яшчэ ў 2021 годзе, але многія да апошняга не хочуць пераязджаць. Уласнікам дамоў пад знос паабяцалі кватэры з аздабленнем у першым жа пабудаваным шматпавярховіку. Калі такі варыянт не падыдзе, людзі могуць выбраць кватэру ў іншым мікрараёне Гродна ці горадзе, дзе «Гроднажылбуд» будуе дамы, а таксама забраць кампенсацыю ўрону грашыма.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…
Маршрут праз усю Беларусь запусціла гродзенская фірма "Пазітыў-тур". Шлях з Гродна ў Віцебск складзе амаль…