Будынак, які будуць рэканструяваць. Крыніца: Яндекс.Карты
Будынак на Урыцкага, 21 будуць рэканструяваць. З унутранага боку да яго збіраюцца прыбудаваць новую частку.
Праект прадугледжвае рэканструкцыю будынка шматкватэрнага жылога дома пад шматфункцыянальны будынак з офісамі, звярнуў увагу канал Urban Hrodna.
З заходняга боку будынка да яго хочуць прыбудаваць новую частку. Таксама з заходняга боку запраектавана пляцоўка з месцам для адпачынку. Галоўны ўваход і падыход да яго будзе з вуліцы Калючынскай. Пад’езд да будынка плануюць забяспечыць з унутрыквартальнага праезду паміж вуліцамі Урыцкага і Калючынскай. На гэтым жа праездзе будзе паркоўка на два месцы, адно з іх для людзей з інваліднасцю.
Прылеглую тэрыторыю добраўпарадкуюць: зробяць сцежкі, азеляняць. Будынак падключаць да інжынерных сетак. Яго архітэктурнае аблічча звяжуць з прылеглымі аб’ектамі шэрагавай гістарычнай забудовы. Участак уваходзіць у зону аховы гістарычнага цэнтра Гродна.
Дом стаіць усутыч да будынку гатэля на Урыцкага, 23. Той будынак меў статус гісторыка-культурнай каштоўнасці, яго цалкам разабралі і ўзвялі нанова.
Грамадскія абмеркаванні справаздачы аб уплыве будоўлі на навакольнае асяроддзе (АУНА) і сход па іх плануюць правесці з 30 жніўня да 1 лістапада 2024 года. Праектную дакументацыю хочуць скіраваць на дзяржэкспертызу ў кастрычніку-снежні. Рашэнне па планаванай дзейнасці прымуць з 15 кастрычніка 2024 да 17 студзеня 2025 г.
Замоўца планаванай дзейнасці - прыватнае прадпрыемства «Росцентрком 2018». Яго дзейнасць — здача ў наём нерухомасці. Кампанія рыхтавала дом да рэканструкцыі яшчэ ў 2019 годзе. Там планавалі зрабіць гандлёва-адміністрацыйны аб’ект.
Дом збудаваны ў 1885 годзе ў стылі эклектыкі. Яго збіраліся зруйнаваць у 2007 годзе, але не змаглі прадаць участак, на якім ён стаіць. Так дом і ўратаваўся да гэтага часу.
Чытайце таксама: Ушчыльненне цэнтра Гродна: на Урыцкага з’явіцца новы будынак. Што там будзе?
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…
Маршрут праз усю Беларусь запусціла гродзенская фірма "Пазітыў-тур". Шлях з Гродна ў Віцебск складзе амаль…