Рэчы, знойдзеныя памежнікамі ў кватэрах беларусаў. Скрыншот відэа Дзяржпагранкамітэта
Супрацоўнікі Смаргонскай памежнай групы 13 жніўня вынялі зброю і камплектуючыя часоў Другой сусветнай вайны і нямецкія знакі адрознення таго ж перыяду з кватэр двух беларусаў. Агляд кватэр праводзілі «ў ходзе рэалізацыі аператыўнай інфармацыі».
У кватэрах вайскоўцы знайшлі агнястрэльную зброю, камплектуючыя і патроны, штык-нажы, нажы часоў Вялікай Айчыннай вайны. У аднаго з уладальнікаў зброі таксама знайшлі рэчы з нацысцкай сімволікай: знакі са свастыкай, ордэны, узнагароды і асабістыя жэтоны вайскоўцаў фашысцкай Германіі. Усё гэта канфіскавалі і перадалі на экспертызу. На відэа, апублікаваным памежнікамі,
большасць прадметаў знаходзіцца пад шклом, у рамках на сцяне, складзена ў кампазіцыі і, мяркуючы па ўсім, з’яўляецца часткай калекцыі.
У Беларусі за незаконныя дзеянні ў дачыненні да агнястрэльнай зброі, боепрыпасаў і выбуховых рэчываў прадугледжана адказнасць па частцы 2 артыкула 295 Крымінальнага кодэкса, падкрэслілі ў ведамстве. Санкцыі артыкула пагражаюць пазбаўленнем волі на тэрмін да сямі гадоў.
За захоўванне нацысцкай сімволікі прадугледжаны штраф да 400 рублёў або адміністрацыйны арышт, або грамадскія работы (арт. 19.10 КаАП Рэспублікі Беларусь).
Чытайце таксама:
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…