Візуалізацыя новага раёна на падоўжанай вуліцы Астроўскага. Крыніца: Гроднажылбуд
Вуліцу Астроўскага падоўжаць ад скрыжавання з Дзяржынскага да заапарка. На ўчастку, дзе зараз пустыр і пустыя склады, пабудуюць пяць шматпавярховікаў і дзіцячы садок. Праект забудовы ад «Гроднажылбуда» выставілі на грамадскія абмеркаванні.
Новы раён з’явіцца паміж ужо існуючай забудовай па вул. Дзяржынскага і па вул. Церашковай, тэрыторыяй Гродзенскага завода гандлёвага машынабудавання і ўчасткам, які ўваходзіць у склад гісторыка-культурнай каштоўнасці «Комплекс будынкаў былой сядзібы „Станіславова“ ў Гродне».
У праекце прадугледжана будаўніцтва пяці дамоў на 570 кватэр вышынёй ад 6 да 10 паверхаў. Яны будуць плаўна зніжаць вышыннасць у напрамку да прадаўжэння вуліцы Астроўскага, якое стане паўднёвай мяжой участка. Таксама прадугледжана новая ўстанова адукацыі - раней планавалі, што гэта будзе дзіцячы садок.
Двары дамоў будуць цалкам пешаходнымі. Парковачныя месцы будуць максімальна вынесены за знешні перыметр забудовы.
Цяпер на ўчастку пустыр, а таксама будынкі былых складоў, станцый тэхнічнага абслугоўвання, падмуркі старых будынкаў. Таксама ёсць ангары прадпрыемства «Гроднагандальмаш», якія пустуюць. Аб іх зносе і падаўжэнні вуліцы Астроўскага да заапарка гарадскія ўлады казалі яшчэ ў сярэдзіне 2000-х гадоў, але да продажу зямлі прыступілі толькі ў 2022 годзе.
Грамадскія абмеркаванні праекта пройдуць з 14 па 28 жніўня 2024 года. У гэты перыяд з праектам можна будзе азнаёміцца ў буднія дні з 8.00 да 13.00 і з 14.00 да 17.00 у вестыбюлі будынка ўпраўлення будаўніцтва, архітэктуры і горадабудаўніцтва Гродзенскага гарвыканкама (пл. Антонія Тызенгаўза, 3, Гродна, тэл. 62 69 95, 62 69 93).
Прэзентацыя праекта пройдзе па тым самым адрасе 22 жніўня ў 15.30 у кабінеце № 1.
Заўвагі і прапановы гараджан разгледзяць на гарадской архітэктурна-горадабудаўнічай радзе. Аб выніках грамадскага абмеркавання гарвыканкам паведаміць да 11 верасня.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…