Недабудаваная гасцініца ў Смаргоні. Фота: Яндекс.Карты
Сяміпавярховы будынак гасцініцы, які застаўся Смаргоні ў спадчыну ад Савецкага Саюза, спрабуюць прадаць ужо чатыры гады. Гасцініца па дакументах праходзіць як незавершанае будаўніцтва.
Яна знаходзіцца на пр-т Індустрыяльны, д. 12. У ёй сем паверхаў і 7834,3 м² агульнай плошчы. Ніякіх камунікацый няма. Знаходзіцца будынак на балансе Смаргонскага райвыканкама.
«Унутры даволі паныла, голыя сцены і смецце», — апісвалі месца яшчэ ў 2014 годзе. З тых часоў мала што змянілася.
На папярэдніх аўкцыёнах зямельны ўчастак прапаноўвалі выкарыстоўваць для будаўніцтва і абслугоўвання вытворчага або адміністрацыйна-дзелавога будынка. Недабудаваны аб’ект можна было знесці.
У савецкі час каля гасцініцы збіраліся ўзвесці філіял Мінскага трактарнага завода. Там хацелі працаўладкаваць 7000 чалавек. А да 2000 года — давесці насельніцтва Смаргоні да 100 тысяч чалавек. Будаўнікі паспелі ўзвесці ў чыстым полі траціну ад запланаваных цэхаў, а таксама некалькі панэльных дзевяціпавярховак, школу, універсам і дзіцячы сад. Сяміпавярховую гасцініцу на Індустрыяльным праспекце — шырокай магістралі, якая звязвае Смаргонь з прамзонай — дабудаваць не паспелі.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…