Шкляны катэдж, які павінен знешне нагадваць хмарачос Нью-Ёрка, некалькі гадоў таму пачаў будаваць пад Гроднам мясцовы жыхар Сяргей. Але ў 2022 годзе будоўля прыпынілася — ва ўладальніка скончыліся грошы. Ён расчараваны вынікам сваёй працы і кажа, што зараз рабіў бы ўсё па-іншаму. Магло б выйсці ў два разы танней. Недабудаваны дом Сяргей хоча прадаць, піша Onliner.by.
Сяргей жыве ў Верцялішках пад Гроднам каля 40 гадоў. Калі ён выйшаў на пенсію, то захацеў пабудаваць сабе дом. Але звычайныя варыянты падаваліся нецікавымі. У 2016 годзе ён вырашыў пабудаваць катэдж са шкла і металу — па тэхналогіі будаўніцтва сучасных хмарачосаў.
Як «Вежа Трампа», толькі менш
Натхняўся Сяргей хмарачосам Дональда Трампа ў Нью-Ёрку, а дакладней яго ступеністым фасадам. Архітэктурнае бюро ў Мінску з такім праектам не справілася. Тады Сяргей звярнуўся ў кампанію з Ніжняга Ноўгарада, дзе праект зрабілі за паўгода. Атрымаўся невялікі, але незвычайны дом на 60 кв.м.
!["Вежа Трампа" ў Нью-Ёрку. Ступеністы фасад Сяргей паспрабаваў паўтарыць у Верцялішках. Фота: trump.com](http://ru.hrodna.life/wp-content/uploads/2024/07/TRUMPTOWERNY-_721_Fifth_Avenue_1-800x619.webp)
У аснове тэхналогіі ляжаць ЛСТК — лёгкія сталёвыя танкасценныя канструкцыі. Гэта нагадвае каркаснае домабудаванне, але шкілет будынка збіраюць не з дрэва, а з металапрофілю.
![Стеклянный дом в Вертелишках под Гродно, построенный по мотивам небоскребов Нью-Йорка. Фото: Onliner.by](https://ru.hrodna.life/wp-content/uploads/2024/07/neboskreb-vertelishki-06_w-800x534.webp)
![Стеклянный дом в Вертелишках под Гродно, построенный по мотивам небоскребов Нью-Йорка. Фото: Onliner.by](https://ru.hrodna.life/wp-content/uploads/2024/07/neboskreb-vertelishki-04_w-800x534.webp)
![Стеклянный дом в Вертелишках под Гродно, построенный по мотивам небоскребов Нью-Йорка. Фото: Onliner.by](https://ru.hrodna.life/wp-content/uploads/2024/07/neboskreb-vertelishki-09_w-800x534.webp)
![Стеклянный дом в Вертелишках под Гродно, построенный по мотивам небоскребов Нью-Йорка. Фото: Onliner.by](https://ru.hrodna.life/wp-content/uploads/2024/07/neboskreb-vertelishki-05_w-800x534.webp)
Паводле дакументаў - не дом, а гаспадарчая пабудова
Устаноўка знешняй каробкі для будучага «хмарачоса» заняла ў мужчыны каля 3—4 месяцаў. Але потым аказалася, што спецыяльнае фасаднае шкло для гэтага праекта будзе надта дарагім. У Сяргея пачаліся праблемы з фінансамі. Цяпер дом гатовы толькі на 30%. Работы ўнутры практычна не пачыналіся.
![Шкляны дом у Верцялішках пад Гроднам, пабудаваны паводле хмарачосаў Нью-Ёрка. Фота: Onliner.by](http://ru.hrodna.life/wp-content/uploads/2024/07/neboskreb-vertelishki-03_w-800x534.webp)
Да будынка падведзены камунікацыі: электрычнасць і вада. Ацяпляецца дом з дапамогай катла, які працуе на газавых балонах. Паводле дакументаў «хмарачос» з’яўляецца звычайнай гаспадарчай пабудовай, так што пракласці да яе газавую трубу ці вадаправод нельга.
![Сергей и его необычный коттедж](https://ru.hrodna.life/wp-content/uploads/2024/07/neboskreb-vertelishki-10_w-800x534.webp)
![Незвычайны катэдж у Верцялішках побач з Гроднам Фота: Onliner.by](https://ru.hrodna.life/wp-content/uploads/2024/07/neboskreb-vertelishki-08_w-800x534.webp)
![Сяргей пабудаваў хату з металічнага профіля, шкла і металу па тэхналогіі хмарачосаў](https://ru.hrodna.life/wp-content/uploads/2024/07/neboskreb-vertelishki-07_w-800x534.webp)
Колькі каштуе шкляны дом пад Гроднам?
Будоўля прыпынілася ў 2022 годзе. З таго часу Сяргей шукае фундатара, які дапамог бы скончыць праект. Таксама ён гатовы прадаць катэдж: дом можна без праблем разабраць і перавезці. «Хмарачос» Сяргея каштуе $ 20 000, але можна пагандлявацца.
— На дадзены момант я лічу гэты праект няўдалым. Ён каштуе занадта дорага. Гэта была вялікая рызыка, і яна не апраўдала маіх чаканняў. Калі б я ўзвёў унутраную частку са звычайных будматэрыялаў (газасілікатных блокаў ці цэглы), атрымалася б у два разы танней. Вонкавы контур можна было пакінуць ранейшым — з металапрофілю і фасаднага шклення. Атрымалася б такая цукерка з прыгожай абгорткай. Шкада, што гэтая ідэя ўзнікла ў маёй галаве занадта позна. Цяпер я б усё зрабіў інакш, — падсумаваў Сяргей.
Чытайце таксама: