Сяргей Мазайла з жыхарамі мікрараёна Пагараны-Кашэўнікі. Крыніца: Telegram-канал "Телеканал "Гродно Плюс""
Змяніць расклад аўтобусаў, прыбраць кустоўе і адрамантаваць дарогі. Жыхары мікрараёна Пагараны-Кашэўнікі сустрэліся з дэпутатам гарадскога Савету Сяргеем Мазайла. Што яны ад яго патрабавалі, паведаміў Мазайла ў сваім Telegram-канале.
На сустрэчу з Сяргеем Мазайла прыйшлі больш за 20 чалавек. Жыхары мікрараёна прасілі дэпутата вырашыць пытанне з прыбіраннем кустоўя акацыі. Яно знаходзіцца на павароце да мікрараёна і перашкаджае пешаходнай і роварнай сцежкам. Камунальныя службы мусяць на працягу тыдня гэта выправіць.
Мікрараён Пагараны-Кашэўнікі пачалі забудоўваць у пачатку 1990-х гадоў. За гэты час там узвялі каля 2000 дамоў. Але ў мікрараёне застаюцца нявырашаныя праблемы з інфраструктурай. Напрыклад, у мікрараёне адна крама, бліжэйшыя школы і дзіцячыя садкі знаходзяцца ў суседніх мікрараёнах «Вішнявец-6» і «Вішнявец-7» — у двух-трох кіламетраў ад Пагаранаў. Сам мікрараён называюць элітнай акраінай горада.
Таксама жыхарам Пагаранаў-Кашэўнікам не падабаецца час прыбыцця і адпраўлення двух аўтобусаў - № 26 і № 38, якія ездзяць у мікрараён. Транспарт практычна адначасова прыязджаюць і адппраўляцюцца з канцавога прыпынка.
Гэтае пытанне павінен вырашыць Аператар пасажырскіх перавозак. Там плануюць павялічыць маршрут аўтобуса № 26. Гэта павінна паўплываць на змену раскладу руху. Але канкрэтнай даты дэпутат не назваў.
У жыхароў мікрараёна былі пытанні пра сферу ЖКГ, будаўніцтва новых аб’ектаў. Яны хочуць бачыць у мікрараёне новыя дзіцячыя пляцоўкі, гандлёвы цэнтр і веласіпедныя сцежкі. Акрамя гэтага, яны прасілі паспрыяць рамонту ліўневых і каналізацыйных сістэм.
Таксама людзі пераймаюцца праблемай катання на квадрацыклах па вуліцах Пагаранаў-Кашэўнікаў у выхадныя дні. Гэтую праблему павінна ўзяць пад кантроль Гродзенская ДАІ. Маршруты экіпажаў скарэктуюць, каб яны кантралявалі сітуацыю.
Чытайце таксама: Пышкі, Каложскі парк і Пагараны. Топ-11 самай дарагой зямлі ў Гродна
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…