Андрэй Барбашынскі з сям'ёй. Фота: sb.by
Былы ўладальнік прадпрыемства «Белабеддінг» і давераная асоба Лукашэнкі на выбарах Андрэй Барбашынскі расказаў «СБ. Беларусь сегодня» пра закрыццё фірмы. Паводле яго, віной усяму ў меншай ступені сталі санкцыі. Аказваецца, іх «кінулі еўрапейцы». Аднойчы ён нібыта прыйшоў на фабрыку — а яго не пусцілі на парог.
10 гадоў Андрэй Барбашынскі жыў у Гродне. Ён перабраўся туды з сям’ёй пасля пашырэння бізнесу і запуску ў свабоднай эканамічнай зоне прадпрыемства. За гэты час штат вырас з 27 чалавек да 230. Да рашоткаў для артапедычных матрацаў дадаліся дрэваапрацоўка, швейная вытворчасць: чахлы, матрацы, коўдры, падушкі, ложкі, канапы. 85% прадукцыі сыходзіла на экспарт у Польшчу, Бельгію, Галандыю, Германію. Адгружалі па 25 грузавікоў на тыдзень.
— <Санкцыі > паўплывалі. Але справа ў іншым. Еўрапейцы, называючы рэчы сваімі імёнамі, нас кінулі. Усё да агіднасці проста: у адзін цудоўны дзень па загадзе кіраўніцтва галаўнога прадпрыемства мяне не пусцілі на парог фабрыкі, у развіццё якой ўклаў велізарную колькасць сіл, часу і душу. На парог выйшаў нейкі мужык і заявіў, што ўпершыню мяне бачыць і ведаць не ведае, — расказаў Андрэй.
За гэтым стаяць нямецкія партнёры — людзі, з якімі знаёмы велізарную колькасць гадоў, яшчэ з часоў гульнявой кар’еры ў Германіі. Яны бывалі ў маім доме, а я ў іх, запэўнівалі ў вечным сяброўстве, усміхаліся ў вочы, а потым, не змяняючы выразы твару, ударылі ў спіну. Але ці здзіўлены я? Мабыць, не.
Гэта ж чыста заходняя гісторыя: бізнэс і нічога асабістага. Пры ўзніклай дылеме «грошы або чалавечыя адносіны», яны без усялякіх ваганняў выбралі грошы. Так было і так будзе.
Рэдакцыя Hrodna.life распавядала пра кейс у сакавіку 2024. Суды пачаліся ў студзені 2024 года. На той момант з іскамі запазычанасцяў па заробках звярнуліся 18 чалавек. Заробкі ім не плацілі некалькі месяцаў. Агульная сума выплат тады склала больш за € 70 000. Суд задаволіў усе іскі на падставе арт. арт. 57, 73, 77, 78 Працоўнага кодэкса.
На ліпень 2024 года вядома яшчэ аб 15 рашэннях і двух судовых працэсах, якія ідуць. На дадзены момант яны недаступныя.
Таксама з сакавіка па лістапад 2023 у эканамічны суд Гродзенскай вобласці паступіла 19 заяў аб спагнанні з «Белабеддінг» даўгоў. Вытворчасць павінная іншым прыватным фірмам больш за 187 тыс. рублёў. Фірма ж знаходзіцца ў працэсе ліквідацыі з 11 кастрычніка 2023 года па рашэнні ўласніка.
Андрэй Барбашынскі - у мінулым паспяховы гандбаліст, родам з Ашмянаў, ганаровы грамадзянін горада. Гуляў у мінскім СКА, у клубах з Іспаніі, Венгрыі і Германіі. У 1992 стаў алімпійскім чэмпіёнам у складзе зборнай СНД. У 2020 годзе быў даверанай асобай Аляксандра Лукашэнкі, а пазней выступаў у дзяржаўных газетах і прапагандысцкіх тэлепраграмах. Адкрыта падтрымаў расійскае ўварванне ва Украіну. У 2024 годзе Барбашынскі збіраўся стаць дэпутатам Гродзенскага абласнога савета, але яго не зарэгістравалі.
Чытайце таксама:
У Гродне прызначылі новага камандуючага Заходнім аператыўным камандаваннем. Ім стаў генерал Вадзім Сураў, які раней…
Стваральнікі новай арт-калекцыі Mark Fomelle "Магія выцінанкі" натхняліся народнымі матывамі і выцінанкамі. У новую капсулу…
Вуліца ў гонар пісьменніцы і паэткі Лідзіі Ялоўчык у бліжэйшы час у Гродне не з’явіцца.…
Бескантактны міні-гатэль і рэстаран са стравамі з дзічыны адкрыюцца ў воданапорнай вежы ў Мастах. Побач…
Паветра ў Гродзенскай вобласці магло быць забруджана радыёактыўнымі элементамі, якія выдзяляліся падчас пажараў у Чарнобыльскай…
Гродзенскага журналіста Андрэя Мялешку ўначы 16 верасня дэпартавалі з Грузіі па вяртанні ў краіну з…