Навіны

Уваход на аглядную пляцоўку на Савецкай стаў платным. Выключэнне ёсць, але гродзенцы ім не задаволены

Цяпер, каб падняцца на аглядную пляцоўку над ЦУМам, трэба заплаціць. Грошы за ўваход не возьмуць толькі з кліентаў нядаўна адкрытага кафэ «Nebo», але некаторыя гродзенцы не надта хочуць імі станавіцца: скардзяцца на кошты і асартымент.

Былы гандлёвы дом «Нёман» адкрылі пасля рэканструкцыі ў пачатку 2024 года. У ім усталявалі эскалатары, змянілі некаторых арандатараў і назву — ён ператварыўся ў гандлёвы цэнтр ЦУМ. Панарамны ліфт і аглядная пляцоўка на даху будынка працягнулі працаваць. Але замест лаундж-кафэ «Крыша мира», па назве якога часта называлі аглядную пляцоўку, зараз там адкрылася кафэ «Nebo». Уваход на пляцоўку на даху стаў платным — 2 руб.

Кафэ адкрылі, але канцэпцыю рэзка змянілі

Установа пачала працаваць у тэставым рэжыме. Да адкрыцця яна пазіцыянавала сябе як рэстаран паназіятскай кухні. Некаторыя анансаваныя ў сярэдзіне чэрвеня пазіцыі сапраўды да яе адносіліся: мус з авакада з начыннем з вэнджанай крэветкі, салодкіх таматаў чэры ікрой тобіка і салодка-вострым соусам, сушы, закускі, канапэ і рулеты.

Але, здаецца, канцэпцыю змянілі, і зараз меню іншае. Там ёсць вялікі выбар закусак, салаты, гарніры, гарачае. Сярод закусак — часнычныя грэнкі за 5 руб., цыбульныя кольцы за 8 руб., крэветкі тэмпура за 13, мясная талерка за 35 руб. і вінная за 41. Брускеты каштуюць 8−29 руб., салаты — 13−31 руб., гарніры — ад 3,5 за спагецці да 11 руб. за гародніну-грыль. На гарачае прапануюць запечаную дараду за 34,9 руб., рэбры грыль або барбекю (36−38 руб.) з бульбай, шашлык з гарнірам (35−60 руб.). Ёсць сем пазіцый з дранікамі (14−38 руб.), дзевяць відаў пасты (25−32 руб.), восем відаў бургераў (20−42 руб.), венскія вафлі з салодкімі і салёнымі дадаткамі (10−28 руб.), дэсерты (7−16 руб.). Можна замовіць вялікі сэт ежы (43−94 руб.). Шырокі выбар алкаголю, ёсць чай, кава —
3,5 руб. за капучына, 5 руб. за раф.

Пасадачных месцаў стала больш, намаляваныя на шкляной агароджы крылы захавалі. Час працы кафэ — з 10.00 да 23.00 без выходных.

Гродзенцы незадаволеныя

Кошты і меню новай установы абурылі некаторых карыстальнікаў Instagram. «Хутка зачыніцца як і папярэднія, няма чаго кошты ламаць, хто пойдзе бургер ёсць за 20р, калі побач кафэ Паляна», — напісаў адзін з каментатараў пад аглядам кафэ ад блога zatestil_grodno. Яшчэ некалькі падтрымалі яго, адзін з каментатараў зазначыў, што «бургер выглядае на 5 рублёў». «Навізна, напэўна, у тым, што зараз можна купіць бутэрброд (бургер) з курыцай за 40 рублёў!!!», — напісаў іншы. Адна з першых наведвальніц паскардзілася, што меню не ўсё ў наяўнасці, няма кававай і чайнай карты, сурвэтак, вады, але бульба-фры была «норм».

Столікі кафэ паставілі па перыметры і, каб падысці да краю і зрабіць фота, трэба стаць за спінамі людзей. Гэта адзіная аглядная пляцоўка ў цэнтры Гродна.

Падзяліцца

Апошнія запісы

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025

Нерухомасць тыдня: на Фолюшы прадаюць кватэру з размаляваным балконам і вокнамі ў парк

Калі вы хацелі жыць у кватэры з уласнай фрэскай, ды яшчэ і блізка да прыроды,…

29 сакавіка 2025