Святлана Вараніца. Фота: grodnonews.by
Намесніца старшыні Гродзенскай абласной арганізацыі грамадскага аб’яднання «Белая Русь» Святлана Вараніца раскрытыкавала праўладную актывістку Вольгу Бондараву. Прычынай крытыкі стаў пост у Telegram-канале Бондаравай, у якім тая зняважліва выказвалася пра беларускую мову.
Актывістка Вольга Бондарава, мастачка Святлана Жыгімонт і блогерка Таццяна Сідаровіч у сваіх Telegram-каналах апублікавалі пасты. У іх жанчыны абураліся з’яўленнем беларускай мовы на этыкетках прадукцыі «Малочны свет».
Святлана Вараніца апублікавала скрыншоты з гэтых Telegram-каналаў і напісала, што гэта не крытыка, а «прыніжэнне беларускай мовы ў Рэспубліцы Беларусь, здзек з дзяржаўнай палітыкі ў галіне выкарыстання дзяржаўных моў, заклік да трэціравання калектыву аднаго з градаўтваральных прадпрыемстваў».
На думку Вараніцы, «сеткавы хейт падсілкоўваецца, у тым ліку, і знікненнем са школьнай праграмы твораў Уладзіміра Караткевіча, і абразлівымі выпадамі на адрас Васіля Быкава».
Свой пост намесніца старшыні Гродзенскай «Белай Русі» скончыла допісам на беларускай мове, выкарыстаўшы назву кнігі Васіля Быкава.
«„Мёртвым не баліць“, а жывым ад мінулага роднай зямлі адракацца ці дазваляць ганебна адносіцца да роднай мовы, хоць рускай, хоць беларускай, хоць нашага ўнікальнага шматгалосся — справа не толькі дрэнная з маральнага пункту гледжання, але і вельмі небяспечная. У каторы раз ужо падкрэсліваю, што новая Канцэпцыя нацыянальнай бяспекі не на пустым месцы напісана».
Чытайце таксама: З будынка турыстычнага цэнтра ў Гродна зніклі надпісы, якімі абурылася Бондарава
У жніўні 2023 года Святлана Вараніца назвала прапагандыста Рыгора Азаронка апантаным. Яна пісала ў сваім Telegram-канале, што «не хоча азаронкаўшчыны і бондараўшчыны» ў Беларусі. У снежні 2022 года Вараніца дыскутавала з Бондаравай. Прычынай стала адмена спектакля ў Гродне з-за скаргі праўладнай актывісткі. Тады Вараніца напісала, што прэтэнзіі Бондаравай — «трызненне запаленай свядомасці».
У Гродне пабудуюць два тэнісныя корты на тэрыторыі базы адпачынку «Прывал» ва ўрочышчы Пышкі. Запланавала…
Беларускае тэлебачанне расказала гісторыю беларуса, які працуе кіроўцам грузавіка ў Еўрасаюзе. У сюжэце "Вербоўка на…
Арыентавацца на працу з пасажырамі і прыцягваць іх да адказнасці за непрышпіленыя рамяні бяспекі паабяцалі…
У Паўднёвым у Гродне заасфальтавалі вуліцу Цэнтральную. Грамадскі транспарт - аўтобус № 51 - па…
У Гродне 2 і 3 ліпеня будуць перакрываць вуліцы ў цэнтры. Прычына – святкаванне Дня…
Лаўрэатаў Прэміі імя Кшыштафа Міхальскага для беларускіх журналістаў у выгнанні назвалі 27 чэрвеня ў Google…