Навіны

У Гродне з’явіцца гасцявы комплекс на беразе Нёмана

У гістарычным цэнтры Гродна на беразе Нёмана адкрываюць гасцявы комплекс «РиверХолл». Комплекс уключае буцік-гатэль, дамы і кафэ. Абяцаюць сумясціць камфорт горада, зацішак і гісторыю.

«Тут гарманічна спалучаецца камфорт гарадскога адпачынку, адасобленая атмасфера сярод маляўнічых пейзажаў і памяць гісторыі. Мы стварылі месца, якога так не хапала!" — пішуць уладальнікі.

На тэрыторыі комплексу размешчаны:

  • буцік-гатэль,
  • два модульных дома,
  • кафэ з адкрытай і зашклёнай тэрасамі,
  • шацёр,
  • лужок з пасадкавымі месцамі.

Там можна будзе праводзіць мерапрыемствы на 100 гасцей.

«РиверХолл» у Гродне. Фота: instagram.com/riverhall.by

У траўні ў сацсетках уладальнікі паведамілі аб хуткім адкрыцці.

The River Hall знаходзіцца на Падольнай, адной з найстарэйшых вуліц у Гродне. Да пачатку 20 стагоддзя вуліца была забудавана драўлянымі дамамі. Пасля будаўніцтва чыгуначнага моста новы ўладальнік узвёў тут каменны двухпавярховы дом. Гэта і ёсць той будынак, які быў абраны для рэканструкцыі пад буцік-гатэль, распавядаюць уладальнік. Падчас Другой сусветнай вайны да моста прыставілі ваенізаваную ахову, якая размяшчалася ў тым самым будынку да 2012 года.

У цэлым, набярэжную ў Гродне абяцаюць добраўпарадкаваць да 2028 года як своеасаблівы «падарунак» да 900-годдзя горада. Пакуль там можна толькі прагуляцца, але не праводзіць час — няма лавак, няма грамадскіх прыбіральняў, кропак грамадскага харчавання, спуску да ракі. Часткова яе ўладкуюць у рамках рэканструкцыі піўзавода.

Падзяліцца

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025