Гродзенскі філіял БІП. Фота: bip-grodno.by
Прыватная ВНУ «БІП — Універсітэт права і сацыяльных тэхналогій» закрываецца. Інфармацыя пра гэта з’явілася на сайце ўніверсітэта 17 чэрвеня.
«Заснавальнікам і кіраўніцтвам універсітэта прынята рашэнне аб спыненні адукацыйнай дзейнасці з 30 жніўня 2024 года», — гаворыцца ў абвестцы.
Усіх навучэнцах па праграмах вышэйшай адукацыі і дадатковай адукацыі дарослых для прадаўжэння навучання па выбранай спецыяльнасці перавядуць з іх згоды ў іншыя ўстановы адукацыі Беларусі,
якія рэалізуюць адпаведныя адукацыйныя праграмы.
Інфармацыю аб канкрэтных установах, у якія плануецца перавод, загадзя давядуць да кожнага студэнта, магістранта і слухача, у тым ліку праз стараст навучальных груп.
UPD. 26 чэрвеня стала вядома, што студэнтам і магістрантам гродзенскага філіяла БІП прапануюць давучыцца ў ГрДУ імя Янкі Купалы. Цана навучання будзе крыху вышэйшай: прыкладна на 150 рублёў у год. Затое з’явіцца магчымасць атрымаць месца ў інтэрнаце. Працэс пераводу ў іншую ВНУ завершыцца ў канцы ліпеня — пачатку жніўня. Пасля здачы сесіі студэнтам неабходна будзе напісаць заяву аб пераводзе.
Штодня, акрамя суботы і нядзелі,
Тэлефоны гарачай лініі:
Мінская вышэйшая юрыдычная школа Саюза юрыстаў БССР была зарэгістраваная 11 снежня 1990. Ідэя стварэння недзяржаўнай вышэйшай навучальнай установы для падрыхтоўкі юрыстаў належала тагачаснаму старшыні Саюза юрыстаў БССР, доктару юрыдычных навук, прафесару Сцяпану Сокалу. Ён і стаў першым рэктарам школы. На пасадзе рэктара ён заставаўся да 2004 года, але ўдзельнічаць у кіраванні працягваў да смерці ў 2020-м.
У ліпені 1991 Мінская вышэйшая юрыдычная школа была пераўтворана ў «Беларускі інстытут правазнаўства», а 14 сакавіка 1995 года Міністэрства адукацыі выдала ліцэнзію на права стварэння недзяржаўнай вышэйшай навучальнай установы «Беларускі недзяржаўны інстытут правазнаўства».
У 1994 годзе быў створаны філіял БІП у Гродне. Уласныя плошчы ў горадзе з’явіліся ў 1996. У 2010 годзе скончылася рэканструкцыя былога тонкасуконнага камбіната на беразе Нёмана пад сядзібу гродзенскага філіяла БІП.
У выніку дзяржаўнай акрэдытацыі ў студзені 2021 года БІП пацвердзіў статус універсітэта (да таго часу ён меў статус інстытута).Читать полностью: https://news.zerkalo.io/life/70 946.html?c
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…