Новы варыянт праекта будучага будынка на набярэжнай. Крыніца: Urban Hrodna
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13. Яго ўсё ж адбудуюць паводле гістарычнага выгляду страчанага будынка, які стаяў на гэтым месцы. Падобна, ён стане часткай аднаўлення квартала на Заводскай.
У новым будынку размесцяць гасцініцу, піша канал Urban Hrodna са спасылкай на інфармацыю ад чытачоў.
У часе праектавання былі зроблены комплексныя навуковыя даследаванні, першапачатковы праект змянілі. Аўтары праекта аднаўляюць страчаны гістарычны будынак па фота з улікам патрабаванняў навуковага кіраўніка.
З цяперашнім будынкам бізнес-цэнтра на Заводскай новы будзе злучаць невялікая ўбудова са скатным дахам, ніжэйшая за абодва будынкі. Паводле рашэння гарвыканкама гэта не новае будаўніцтва, а рэканструкцыя існуючага будынка.
Раней абвестка пра пошук дольшчыкаў для будаўніцтва з’явілася на «Куфары». Паводле яе, у будынку мусіў размясціцца бізнес-цэнтр. Агульная плошча будынка мусіла скласці 900 кв. м., кошт за кв. м — 6.52 руб. ($ 2). У абвестцы таксама былі змешчаны фота праекта будынка — на іх было бачна, што яго толькі стылізуюць пад гістарычны. Але паводле канала, аўтар абвесткі выкарыстаў неактуальны варыянт праекта. Зараз абвестка ўжо неактыўная.
Падобна, на набярэжнай адбудоўваецца колішняя вуліца Заводская. З боку былога піўзавода таксама з’явяцца новыя будынкі. Там плануюць збудаваць гасцініцу — на 120 нумароў. Яна будзе злучаная галерэяй з іншымі будынкамі комплекса. Частку набярэжнай новыя ўладальнікі піўзавода плануюць уладкаваць у рамках свайго праекта. Тэрыторыя не будзе агароджана, як зараз, будзе спуск да ракі. Аднаўленне квартала па вуліцы Заводскай (за піўзаводам) уваходзіла ў праект рэгенерацыі гістарычнай забудовы цэнтра Гродна, які мусіць рэалізоўвацца ў межах генеральнага плану развіцця горада да 2030 года.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…
Маршрут праз усю Беларусь запусціла гродзенская фірма "Пазітыў-тур". Шлях з Гродна ў Віцебск складзе амаль…