Выпускнікі гімназіі №1. Фота ілюстрацыйнае: gymnasium1-grodno.by
Гарадскі выпускны ў Гродне ўпершыню пройдзе 14 чэрвеня. Месцам святкавання выбралі Савецкую плошчу.
Падчас свята на плошчы плануюць арганізаваць вялікі канцэрт з удзелам папулярных моладзевых выканаўцаў.
Глядзі поўную праграму гарадскога выпускнога.
Пра рашэнне правесці гарадскі выпускны ў Гродне расказаў старшыня пастаяннай камісіі Гродзенскага гарадскога Савета дэпутатаў па пытаннях сацыяльнай сферы, справах моладзі і ветэранаў Сяргей Мазайла.
Хто менавіта выступіць на канцэрце і што яшчэ будзе на свяце, пакуль не ўдакладняюць. «Тут захаваю пакуль інтрыгу, як з 9 траўня. Але дам падказку маладзёжным слэнгам, будзе варушняк і выпускнікі будуць багатымі. Нічога лішняга», — напісаў дэпутат у сваім канале.
Чытайце таксама: Ад белых каўнерыкаў да гламурных шпілек. Як моднічалі гродзенскія выпускнікі ад 1950-х да нашых дзён
У красавіку Лукашэнка заявіў, што ён супраць «сучасных выпускных» у школах, якія ператвараюцца ў «шоў на лімузінах і з наведваннем забаўляльных устаноў».
«Нейкі там «круцяк" табе дапамог ці ты багацейшы — ты лімузін замовіў, прыехаў твой сын у школу. А як іншыя глядзяць? А як бацькі глядзяць? Гэта няправільна. Я публічна кажу: нам нельга гэта культываваць, нельга нам гэта падтрымліваць. Гэта дрэнна», — падкрэсліў Лукашэнка. Ён даручыў узяць пытанне правядзення выпускных на «жорсткі кантроль».
Пасля гэтага намеснік міністра адукацыі Аляксандр Кадлубай сказаў, што пытанні правядзення выпускных вечароў у рэстаранах і кавярнях — гэта справа кіраўніцтва школы і бацькоўскага камітэта, але толькі з узгаднення ўладаў. Таксама ён прапанаваў розныя варыянты «сціплай» імпрэзы — напрыклад, уладкаваць самадзейны школьны капуснік або закласці алею.
У 2024 годзе ў Беларусі апошні званок для выпускнікоў 9 і 11 класаў пройдзе 25 траўня. Выпускныя вечары рэкамендуюць правесці 14 чэрвеня.
Міліцыя Грjдзенскай вобласці маніторыла Інтэрнэт і занепакоілася "нацызмам" сярод школьнікаў. Яны "зігуюць", слухаюць музыку Трэцяга…
Дыялогавая пляцоўка для бізнесменаў з Беларусі і Польшчы прайшла ў Гродне 25 красавіка. Мясцовыя ўлады…
Гродзенцы не ацанілі новыя канструкцыі для кветак на Савецкай. У красавіку на пешаходнай вуліцы ўсталявалі…
Тры злачынствы за "экстрэмізм" распачалі супраць падлеткаў у Гродзенскай вобласці ў 2024 годзе. У тым…
«Такіх месцаў і ў свеце не так многа, а ў Беларусі нічога падобнага проста няма», —…
Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…