На турбазе «Хімік» з’явяцца тэнісны корт і скаладром

Шматфункцыянальныя спартыўныя пляцоўкі з’явяцца на турбазе «Хімік» пад Гродна да 28 чэрвеня. Там можна будзе пагуляць у гульні ад валейбола да тэніса, заняцца воркаўтам або скалалажаннем. Рэдакцыя Hrodna.life паглядзела, што з’явіцца на турбазе.

Шматфункцыянальныя спартыўныя пляцоўкі

Першая пляцоўка ўключае ў сябе корт для тэніса і чатыры корта для піклбола (від спорту, які спалучае ў сабе элементы бадмінтона, тэніса і настольнага тэніса). Таксама будуць гульнявыя пляцоўкі для валейбола, баскетбола і міні-футбола. Пакрыццё будзе мець антыкоўзскі малюнак, каб гульцы не траўмаваліся.

Адкрытая спартыўная пляцоўка для воркаўта

Для яе закупляюць рукаход, комплекс з трох турнікаў, шведскай сценкі і двух нахільных лавачак для прэса. Таксама будзе комплекс для воркаўта са стойкай для баскетбольнага кальца і навяснымі гімнастычнымі кольцамі. Пляцоўка ўключае таксама скаладром з пяці секцый, брусы і воркаўт-комплекс.

Апорныя слупы скаладрома ўсталююць на адлегласці прыкладна 1,2 м адзін ад аднаго. Вышыня слупоў - не менш за 2,6 м над паверхняй зямлі. Палатно скаладрома будзе выканана з драўнянай пліты з насычэннем.

Спартыўная пляцоўка з вулічнымі сілавымі трэнажорамі з навесам

Тут будуць трэнажоры:

• жым лежачы/адцісканне ад брусаў,
• цяга верхняя/жым плечавы,
• станавая цяга/цяга ў нахіле,
• жым нагамі/трэнажор прысяданняў,
• прэс/гіперэкстэнзія.

На зямлі будзе поліўрэтанавая гумавая плітка.

Пляцоўка для правядзення мерапрыемстваў на адкрытым паветры пад шатром

На ёй усталююць стойкі ценявога падстрэшка, выбрукуюць пакрыццё пліткай і ўсталююць тратуарны бардзюр.

«Гродна Азот» — уладальнік турбазы — купляе іх за ўласныя сродкі. Агульны кошт трэнажораў - 690 000 рублёў.

Турыстычная база «Хімік» размешчана за 40 км ад Гродна на беразе возера Белае. Заехаць сюды можна па пуцёўцы, арандаваць домік або альтанку або правесці карпаратыў.

Чытайце таксама: У Гродне прадаюць «Джунглі-парк» у Пышках. Колькі каштуе база адпачынку на Сцежцы здароўя?