Навіны

Гатовыя аздабляць, праводзіць камунікацыі і змяняць дах на галоўным корпусе. Што адбываецца на гродзенскім піўзаводзе?

На гродзенскім піўзаводзе гатовыя пачаць аздабляльныя працы. Таксама ў планах пракладванне сетак і добраўпарадкаванне, паведаміў тэлеканал «Гродна Плюс».

Рэканструкцыя гродзенскага піўзавода. Скрыншот «Гродна Плюс»

За зіму будаўнікі пераклалі дах і ў бліжэйшы час плануюць заняцца тым жа на галоўным корпусе былога бровара. Таксама ўжо змантавалі перакрыцці першага і другога паверхаў. Дзякуючы гэтаму па будынку ўжо можна хадзіць. Таму ўладальнікі ўжо вядуць перагаворы з будучымі арандатарамі, з пулам якіх плануюць акрэсліцца да канца лета.

«Зараз мы ўжо разумеем, якім будзе будучы будынак, якая будзе лагістыка ў гэтым будынку, якія будуць тэхналагічныя вырашэнні ў гэтым будынку. То бок, калі раней мы гэта бачылі толькі на праектах, то зараз мы гэта бачым ужывую, як гэта ўсё будзе рэалізавана. Цяпло прыйшло, і зараз мы ўжо можам займацца працай па добраўпарадкаванні і пракладванні сетак», — сказаў намеснік дырэктара кампаніі-інвестара Аляксандр Заглубоцкі.

Колькі грошай ужо выдаткавалі на рэканструкцыю

За ўвесь час рэканструкцыі піўзавода выдаткавалі больш за $ 2 млн. На далейшыя працы плануюць выдаткаваць яшчэ столькі ж. Але гэта сума без уліку тэхналагічных вырашэнняў, якія будуць рэалізоўваць арандатары.

Вядома, што для арандатараў будуць прад’яўляць умовы па захаванні стылю гістарычнага аб’екта. «Важна, каб яны ўпісваліся ў гэтую канцэпцыю, а не проста лічылі месца хайповым», — казаў Заглубоцкі.

Чытайце таксама: Улічылі архітэктуру, змянілі канцэпцыю: гродзенскі піўзавод рэканструююць як палац

Падзяліцца

Апошнія запісы

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025

У Беларусі распрацуюць экскурсію па храмах і могілках Воранаўшчыны

У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…

23 красавіка 2025

Дом быту ў Гродне прадалі на аўкцыёне з пятай спробы

Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…

22 красавіка 2025

У гродзенскіх гатэлях амаль не засталося месцаў на травеньскія святы

У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…

22 красавіка 2025