Фота ілюстрацыйнае. Крыніца: novosti.sprosi.eu
З 1 красавіка 2024 года выдаваць «адзіныя» шэнгенскія візы са зборам біяметрычных дадзеных грамадзянам трэціх краін павінны пачаць Балгарыя і Румынія. Сярод гарадоў, дзе можна будзе падаць дакументы — Гродна.
Абноўлена:
1 красавіка 2024 г. стала вядома, што прымаць дакументы на балгарскія візы ў візавым цэнтры «VFS Global» у Мінску пачнуць з 15 красавіка 2024 г., а ў іншых візавых цэнтрах «VFS Global», у тым ліку ў Гродне, з 1 траўня 2024 г. Пра гэта паведаміла Амбасада Балгарыі ў Мінску.
Інфармацыя на сайце візавага цэнтра «VFS Global» https://visa.vfsglobal.com/blr/ru/bgr і кол-цэнтр +375 17 3 882 912 будуць даступныя з 8 красавіка 2024 г.
Паводле рашэння Рады Еўрапейскага саюзу з 31 сакавіка для Румыніі і Балгарыі адменяць памежны кантроль на марскіх і паветраных межах у рамках Шэнгенскай зоны. У Румыніі плануюць пачаць выдаваць «шэнген» трэцім краінам з 31 сакавіка. Амбасада Балгарыі таксама пацвердзіла пачатак выдачы шэнгенскіх візаў.
Пагадненне аб абслугоўванні пасольства Балгарыі заключыла з фірмай-пасрэднікам «VFS Global», якая прадстаўляе візавы цэнтр у Гродне.
Прымаць дакументы на шэнгенскія візы Балгарыі плануюць таксама ў Мінску, Брэсце, Баранавічах, Віцебску, Гомелі, Лідзе, Магілёве і Пінску. Консульскі збор складзе € 35, збор візавага цэнтра — € 25.
Зараз над тым, каб спрасціць запіс на падачу дакументаў на візу, працуе Польшча. Праўда, у выніку візы падаражэюць.
Чытайце таксама: Падаць дакументы на польскую візу зараз можна толькі па месцы прапіскі. Але Гродна — выключэнне
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…