Ільгар Джалілаў. Скрыншот з "Беларусь 24"
Дырэктара рамонтна-будаўнічага ўнітарнага прадпрыемства ў Гродне асудзілі за хабар. Верагодна, гэта дырэктар «АзотРамБуд» Джалілаў Ільгар Галандар Аглы, якога пачалі судзіць у судзе Ленінскага раёна ў лютым. Хабарам палічылі і бутэльку каньяку з цукеркамі. Мужчына прызнаў віну і адмовіўся ад дачы паказанняў.
Прысуд вынеслі 18 сакавіка ў судзе Ленінскага раёна Гродна. Мужчыну судзілі паводле ч. 1 і 2 арт.430 КК.
Паводле суду, Джалілаў атрымліваў хабар з ліпеня 2022 года па жнівень 2023 года. Іх ён браў за датэрміновую аплату будаўніча-мантажных работ, выдачу станоўчага водгуку аб работах, больш хуткую аплату пастаўленых будматэрыялаў і запрашэнне да конкурсу па выбары субпадрадных арганізацый. Усяго ён прыняў $ 5500 і 6950 беларускіх рублёў ($ 2149).
Таксама ў верасні 2022 года Джалілаў узяў на працу маладога спецыяліста і прыняў ад яго бацькоў бутэльку каньяку за 115,15 рубля і каробку цукерак за 20 рублёў.
Па двух эпізодах мужчыне прызначылі пяць гадоў калоніі ўзмоцненага рэжыму са штрафам у памеры 350 базавых велічынь (14 000 рублёў). Пяць гадоў ён таксама не зможа занімаць пасады з выкананнем арганізацыйна-распарадчых і адміністрацыйна-гаспадарчых абавязкаў.
Ільгар Джалілаў нарадзіўся ў Азербайджане. Аднойчы ён прыехаў у камандзіроўку ў Беларусь і зацікавіўся краінай. Мужчына хваліў «сацыяльную абароненасць» у Беларусі: бясплатную медыцыну і аплаты пуцёвак у санаторыі. Мужчына трапіў на дошку гонару ААТ «Гродна Азот» у 2022 годзе. Абавязкі дырэктара «АзотРамБуд» выконвае Аляксандр Галгофскі.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…