Навіны

Суддзю з Гродна павысілі. Ён выносіў палітычныя прысуды

Новых суддзяў прызначылі ў Гродзенскай вобласці. На павышэнне ў Гродзенскі абласны суд пайшоў Руслан Гурын, які быў суддзёй суда Ленінскага раёна Гродна. Ён судзіў Сяргея Рымшу, рэдактара newgrodno.by Ігара Рэмзіка, актывістку і намесніка старшыні Саюза палякаў Рэнату Дзем’янчук, рэдактарку спецпраектаў Hrodna.life Ірыну Новік.

Згодна з zubr.cc, ён таксама выдаў штрафаў на 15 777,5 рубля, адміністрацыйнага арышту — на 62 сутак. Вядома аб 57 «палітычных» рашэннях і прысудах.

Руслан Гурын. Фота: zubr.cc

Указ «Аб прызначэнні і вызваленні суддзяў» Аляксандр Лукашэнка падпісаў 15 лютага, паведамляе Telegram-канал «Право имеют».

У вобласці таксама прызначылі:

  • Антановіч Анжаліку Ігараўну — суддзёй суда Ленінскага раёна Гродна на пяцігадовы тэрмін, у мінулым — старшы памочнік пракурора Гродна;
  • Болька Андрэя Іванавіча — суддзёй суда Шчучынскага раёна на пяцігадовы тэрмін. У мінулым — следчы па асабліва важных справах РАСК;
  • Вандзік Марыю Сяргееўну — суддзёй суда Слонімскага раёна на пяцігадовы тэрмін;
  • Гурына Руслана Аляксандравіча — суддзёй Гродзенскага абласнога суда на пяцігадовы тэрмін, вызваліўшы яго ад пасады суддзі суда Ленінскага раёна Гродна. Вядомы палітычнымі прысудамі;
  • Кісяля Міхаіла Аляксеевіча — суддзёй суда Лідскага раёна на пяцігадовы тэрмін. У мінулым — адвакат;
  • Мізула Ксенію Аляксандраўну — суддзёй суда Смаргонскага раёна на пяцігадовы тэрмін;
  • Пацко Надзею Леанідаўну — суддзёй суда Лідскага раёна на пяцігадовы тэрмін;
  • Пранько Станіслава Аляксандравіча — суддзёй суда Гродзенскага раёна на пяцігадовы тэрмін. У мінулым — памочнік пракурора Гродна;
  • Радзівонік Наталлю Фёдараўну — намеснікам старшыні суда Слонімскага раёна;
  • Сасноўскага Дзмітрыя Іванавіча — суддзёй суда Кастрычніцкага раёна Гродна на пяцігадовы тэрмін, вызваліўшы яго ад пасады старшыні і суддзі суда Круглянскага раёна. Выносіў палітычныя прысуды.

Падзяліцца

Апошнія запісы

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025

У Беларусі распрацуюць экскурсію па храмах і могілках Воранаўшчыны

У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…

23 красавіка 2025

Дом быту ў Гродне прадалі на аўкцыёне з пятай спробы

Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…

22 красавіка 2025

У гродзенскіх гатэлях амаль не засталося месцаў на травеньскія святы

У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…

22 красавіка 2025