Уладзімір Гундар. Фота: "Вясна"
У Гродзенскай вобласці на тыдні затрымалі пяць чалавек. Палітвязню Уладзіміру Гундару блакуюць перапіску. У Гродне спынілі справу за распаўсюд экстрэмісцкіх матэрыялаў. Рэдакцыя Hrodna.life вывучыла, што адбылося ў вобласці з 19 па 25 лютага.
Як мінімум 27 судовых рашэнняў стала вядома на мінулым тыдні. Суды прайшлі ў Астраўцы, Воранава, Гродне, Лідзе, Іўі, Навагрудку, Смаргоні, Карэлічах, Зэльве, Шчучыне. Людзям вынеслі ад 20 базавых велічынь (800 рублёў) штрафу да 15 сутак арышту. Двух жыхароў вобласці пакаралі 40 гадзінамі грамадскіх работ.
Жыхара Ліды затрымалі за распаўсюд экстрэмісцкіх матэрыялаў. Сілавікі сцвярджаюць, што яго змясцілі ў ІЧУ.
У Лідзе зноў затрымалі беларускага барда Сяргея Чарняка. Яго затрымалі 16 лютага і арыштавалі на 15 сутак. Яго возяць да фермера перабіраць цыбулю, паведамляе Telegram-канал «Задержания, суды в Лиде».
У Бярозаўцы 16 лютага затрымалі назіральніцу на выбарах 2020 года Гражыну Гетко. Пры затрыманні правялі ператрус. 19 лютага яе арыштавалі на 15 сутак, паведамляе Telegram-канал «Задержания, суды в Лиде».
Усяго адзін ліст у студзені і ніводнага ў лютым не атрымалі родныя ад палітвязня Уладзіміра Гундара з крытай магілёўскай турмы № 4.
— Вельмі гэтым засмучоны, што за студзень няма мне нічога. Ад мяне ён атрымаў два апошніх лісты студзеньскіх. Я нічога не пішу, што не дазволена. Вядома, што ў Наваполацкай калоніі забаранілі ўсе беларускамоўныя кнігі ў бібліятэцы. То можа ім не падабаецца, што па-беларуску мы пішам?
Лісты, якія піша адзін і другі бок на беларускай мове, рэдка дахофдзяць да адрасатаў. І ў тых лістах пісаць трэба вельмі скупа, каб дайшлі, кажуць родныя палітвязня «Беларускаму радыё Рацыя».
Распачата 65 спраў па «экстрэмісцкіх» артыкулах. У 2024 годзе за падобныя парушэнні ўжо прыцягнулі 40 чалавек. А 18 людзям, якія прыцягваліся да адміністрацыйнай адказнасці, вынеслі афіцыйныя папярэджанні.
22 лютага сілавікі выклалі відэа з затрыманнем майстра «Слоніммэблі». Мужчына распавёў, што распаўсюджваў у Telegram «забароненую» інфармацыю. У яго ёсць хворае дзіця.
Гродзенца затрымалі за распаўсюд экстрэмісцкіх матэрыялаў у Telegram-чатах.
23 лютага «спіс экстрэмістаў» папоўнілі Санько Віталь Мечыслававіч, Кашко Іван Аляксандравіч, Краўчэўскі Ілля Пятровіч, Рабцаў Сяргей Вітальевіч з Гродна, Вярбіцкі Іван Францавіч з Ашмянскага раёна, Трафімчык Таццяна Іванаўна з Дзятлаўскага раёна.
Гродзенец быў падпісаны ў Facebook на пяць груп, прызнаных экстрэмісцкімі. У тым ліку ён распаўсюджваў лагатып «Официальная группа Хартия'97». Яго судзілі 6 лютага ў судзе Ленінскага раёна Гродна. Суд пастанавіў спыніць вытворчасць па справе па ч. 2 арт.19.11 КаАП у сувязі са сканчэннем тэрмінаў накладання спагнання.
У Навагрудку завяршаецца пяты этап рэканструкцыі замка. Тут з'явіліся фартыфікацыйныя сцены з высокай металічнай брамай…
Курсанта Акадэміі МУС, 21-гадовага Іллю Нарышкіна, асудзілі на 15 гадоў пазбаўлення волі ў калоніі ўзмоцненага…
У Гродне на продаж выставілі старую воданапорную вежу ў мікрараёне Фолюш. Паводле ўмоў аўкцыёна, там…
Анестэзіёлаг-рэаніматолаг з 3-й мінскай дзіцячай бальніцы публікавала ў Х (Twitter) пасты пра сваю нянавісць да…
Пасля негалоснай забароны на правядзенне свята ў Беларусі буйныя вечарынкі напярэдадні Дня ўсіх святых амаль…
Былога дырэктара шклозавода "Нёман" і дзяржаўнага функцыянера Ігара Бацяна прыгаварылі да 12 гадоў калоніі па…