Навіны

Затрыманне пецярых, блакада лістоў, спыненне справы. Як прайшоў тыдзень у Гродне і вобласці

У Гродзенскай вобласці на тыдні затрымалі пяць чалавек. Палітвязню Уладзіміру Гундару блакуюць перапіску. У Гродне спынілі справу за распаўсюд экстрэмісцкіх матэрыялаў. Рэдакцыя Hrodna.life вывучыла, што адбылося ў вобласці з 19 па 25 лютага.

Суды за распаўсюд экстрэмісцкіх матэрыялаў

Як мінімум 27 судовых рашэнняў стала вядома на мінулым тыдні. Суды прайшлі ў Астраўцы, Воранава, Гродне, Лідзе, Іўі, Навагрудку, Смаргоні, Карэлічах, Зэльве, Шчучыне. Людзям вынеслі ад 20 базавых велічынь (800 рублёў) штрафу да 15 сутак арышту. Двух жыхароў вобласці пакаралі 40 гадзінамі грамадскіх работ.

Затрыманне ў Лідзе

Жыхара Ліды затрымалі за распаўсюд экстрэмісцкіх матэрыялаў. Сілавікі сцвярджаюць, што яго змясцілі ў ІЧУ.

Затрыманне ў Лідзе. Скрыншот Hrodna.life

Затрымалі барда

У Лідзе зноў затрымалі беларускага барда Сяргея Чарняка. Яго затрымалі 16 лютага і арыштавалі на 15 сутак. Яго возяць да фермера перабіраць цыбулю, паведамляе Telegram-канал «Задержания, суды в Лиде».

Сяргей Чарняк. Фота: «Гарадзенская праваабарона»

Затрыманне ў Бярозаўцы

У Бярозаўцы 16 лютага затрымалі назіральніцу на выбарах 2020 года Гражыну Гетко. Пры затрыманні правялі ператрус. 19 лютага яе арыштавалі на 15 сутак, паведамляе Telegram-канал «Задержания, суды в Лиде».

Гражына Гетко. Фота: «Задержания, суды в Лиде»

Блакада лістоў у палітвязня

Усяго адзін ліст у студзені і ніводнага ў лютым не атрымалі родныя ад палітвязня Уладзіміра Гундара з крытай магілёўскай турмы № 4.

 — Вельмі гэтым засмучоны, што за студзень няма мне нічога. Ад мяне ён атрымаў два апошніх лісты студзеньскіх. Я нічога не пішу, што не дазволена. Вядома, што ў Наваполацкай калоніі забаранілі ўсе беларускамоўныя кнігі ў бібліятэцы. То можа ім не падабаецца, што па-беларуску мы пішам?

Лісты, якія піша адзін і другі бок на беларускай мове, рэдка дахофдзяць да адрасатаў. І ў тых лістах пісаць трэба вельмі скупа, каб дайшлі, кажуць родныя палітвязня «Беларускаму радыё Рацыя».

Уладзімір Гундар. Фота: «Вясна»

У 2023 годзе ў Лідскім раёне 139 чалавек прыцягнулі да адказнасці за «экстрэмісцкую дзейнасць»

Распачата 65 спраў па «экстрэмісцкіх» артыкулах. У 2024 годзе за падобныя парушэнні ўжо прыцягнулі 40 чалавек. А 18 людзям, якія прыцягваліся да адміністрацыйнай адказнасці, вынеслі афіцыйныя папярэджанні.

Затрыманне ў Слоніме

22 лютага сілавікі выклалі відэа з затрыманнем майстра «Слоніммэблі». Мужчына распавёў, што распаўсюджваў у Telegram «забароненую» інфармацыю. У яго ёсць хворае дзіця.

Затрыманні ў Слоніме. Скрыншот Hrodna.life

Затрыманне ў Гродне

Гродзенца затрымалі за распаўсюд экстрэмісцкіх матэрыялаў у Telegram-чатах.

Затрыманне ў Гродне. Скрыншот Hrodna.life

Новыя «экстрэмісты»

23 лютага «спіс экстрэмістаў» папоўнілі Санько Віталь Мечыслававіч, Кашко Іван Аляксандравіч, Краўчэўскі Ілля Пятровіч, Рабцаў Сяргей Вітальевіч з Гродна, Вярбіцкі Іван Францавіч з Ашмянскага раёна, Трафімчык Таццяна Іванаўна з Дзятлаўскага раёна.

Гродзенец рэпостнуў «Хартию» — а яго не пакаралі. Як так выйшла?

Гродзенец быў падпісаны ў Facebook на пяць груп, прызнаных экстрэмісцкімі. У тым ліку ён распаўсюджваў лагатып «Официальная группа Хартия'97». Яго судзілі 6 лютага ў судзе Ленінскага раёна Гродна. Суд пастанавіў спыніць вытворчасць па справе па ч. 2 арт.19.11 КаАП у сувязі са сканчэннем тэрмінаў накладання спагнання.

Апошнія запісы

Уладальнік гродзенскага стрып-клуба выпусціў кліп на песню пра саюз Беларусі і Расіі

Гродзенскі прадпрымальнік Артур Рымша выпусціў кліп на песню "Дзве сястры" - у ёй мужчына спявае…

22 студзеня 2025

«Лідскае піва» адмовілася ад пінт — усё з-за санкцый

"Лідскае піва" памяняла фармат тары для брэнда KORONET Lager. Прычына ў адсутнасці патрэбнай тары -…

22 студзеня 2025

Гродзенскі рок-гурт 8sonca рыхтуе да выхаду трэці альбом

Гродзенскі рок-гурт 8sonca запісаў трэці музычны альбом. Музыкі прысвяцілі яго каханню і ўнутраным перажыванням. Рэліз…

22 студзеня 2025

Гродзенскаму доміку для катоў патрабуецца мэбля: пакуль клеткі з жывёламі даводзіцца ставіць на падлогу

Валанцёры грамадскай арганізацыі "Адданае сэрца" просяць гродзенцаў дапамагчы з мэбляй. У домік для катоў, які…

22 студзеня 2025

У Гродне дзяўчына купіла клубніцы ў шакаладзе, а атрымала — у цвілі

Гродзенка купіла клубніцы ў шакаладзе ад кавярні MyLoverBerry і вырашыла пакаштаваць яе на відэа. Дзяўчыну…

21 студзеня 2025

Дыскрымінацыя жанчын? Вядучай «Марафону адзінства» ў Гродне заплацілі менш, чым вядучаму

Вядучая "Марафону адзінства" Анастасія Кісель, студэнт года і дэлегат Усебеларускага народнага сходу, павінна была атрымаць…

21 студзеня 2025