Адзін з універсамаў "Алмі" ў Гродне. Фота ілюстрацыйнае: Яндэкс.Карты
Расійскі ўласнік «Алмі» мяняе стратэгію: закрыў арганізацыі ў Расіі і «трансфармуе» бізнес у Беларусі - частку пераводзіць у дэвелаперскую схему, растлумачыў кіраўнік МАРТ Аляксей Багданаў.
Перамены не звязаныя з пастановай 713 [аб рэгуляванні цэнаў — Hrodna.life], падкрэсліў Багданаў.
Частку крамаў галоўны акцыянер «Алмі» мае намер захаваць, сказаў Багданаў для ileх.by. Банкі прызналі іх стабільнае становішча. Крамы з горшай сітуацыяй зачыняць, а пляцоўкі здадуць у арэнду. Такімі аб’ектамі ўжо зацікавіліся «Еўраопт», «Дыяніс» і «Суседзі». З іншымі рытэйлерамі вядуць перамовы.
Да нядаўняга часу ў Гродне працавала сем крамаў «Алмі». Зараз працуюць шэсць. Пяць з іх адкрытыя да 01.00. Адна — на Альшанцы — зачыненая. У Гродне «Алмі» падтрымліваў паліятыўны цэнтр Гродзенскага дзіцячага хоспіса.
З 2005 года ўраджэнец Пінска Аляксандр Зарыбка стаў будаваць сетку «Алмі» ў Беларусі і Расіі (назва складаецца з першых складоў імя і імя па бацьку бізнесмена). У сярэдзіне 2006 года ўтварылася група кампаній «Алмі», а ў 2016 годзе яна запусціла тавары пад уласнай гандлёвай маркай «I'm Happy». У 2016 годзе Зарыбка прадаў апошнія 30 расійскіх «Алмі». На той момант у Беларусі працавалі 40 яго крам пад шыльдай «Алмі» і 10 — «Закрама». Тады ж нідэрландская кампанія SPAR International прадаставіла даччынай кампаніі Almi Group ЗАТ «Юніфуд» ліцэнзію на кіраванне брэндам SPAR у Беларусі. Да 2020 года планавалі адкрыць 60 супермаркетаў SPAR у Беларусі,
але па факце пераназвалі толькі каля 10. З часам некаторыя з іх закрыліся. У Гродне SPAR адкрылі ў 2019 годзе на вуліцы Пушкіна. Зараз беларуская старонка SPAR не працуе.
Цяпер у гандлёвую сетку «Алмі» ўваходзіць каля 40 гандлёвых аб’ектаў. На сайце сеткі ёсць адрасы крам SPAR, але без згадвання брэнда.
Чытайце таксама:
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…
На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…