Урач. Ілюстрацыйнае фота pixabay.com
Санітарку Гродзенскай універсітэцкай клінікі асудзілі за падробку афіцыйнага дакумента. Яна заплаціць 40 базавых велічынь (1480 рублёў). Таксама ў яе канфіскавалі 40 рублёў за рэцэпты як атрыманы злачынным шляхам даход.
Санітарка была ў ардынатарскай кардыялагічнага аддзялення Гродзенскай універсітэцкай клінікі. Каб падрабіць і збыць дакументы, яна ўзяла пячатку лекара-кардыёлага і праставіла адбіткі ў трох бланках рэцэптаў на лекі. Дома яна падпісалася за лекара і запоўніла бланкі.
Пазней у два этапы жанчына прадала рэцэпты. Вядома толькі пра адну пакупніцу. Яна выступала ў судзе як сведка і сказала, што санітарка прапанавала купіць ёй рэцэпт на лекі. Яна так і паступіла і пазней набыла лекі ў аптэцы.
Справа ч. 1 арт. 380 КК «Падробка, выраб, выкарыстанне альбо збыт падробленых дакументаў, штампаў, пячатак, бланкаў» разгледзелі ў судзе Кастрычніцкага раёна Гродна. Жанчына заявіла, што не ставіла адбіткі ў рэцэпты — яны ўжо былі там. Астатняе не адмаўляла.
Змякчальнай акалічнасцю суд палічыў малалетняе дзіця ў жанчыны. Абцяжваючай — карыслівыя матывы. Жанчыну пакінулі пад падпіскай аб нявыездзе.
Чытайце таксама: «Пару гадзін — і ён застаўся б сляпым». Як працуе платформа еЗдароўе, дзе беларускія ўрачы кансультуюць анлайн
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…
На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…