Навіны

Кацельню на Цітова прадаюць удвая танней. Раней там планавалі культурны кластар і кавярню на трубе

Будынак былой кацельні на Цітова, 26 патаннеў удвая. Паўторны аукцыён пройдзе на анлайн-пляцоўцы «Белбанкротгандаль» 23 студзеня. Будынак ужо пачалі перабудоўваць пад культурны кластар, але інвестар, які выкупіў яго, памёр, і фірма збанкрутавала.

Зараз незавершаная будоўля закансерваваная. Ступень гатоўнасці будынка на 2021 год складала 60%. Пачатковы кошт, выстаўлены на гэты раз, — 850,5 тыс. рублёў (амаль $ 268 тыс.). Агульная плошча будынка — 4481,30 кв.м.

Зямельны участак на Цітова, 26

Будынак ужо спрабавалі прадаць паўгода таму. Тады за яго хацелі 1 701 000 рублёў ($ 576,7 тыс.). Пакупнікоў не знайшлося.

Зараз будынак належыць прыватнаму прадпрыемству «РВВ». Яго заснавальнік, бізнесмен Уладзімір Рамановіч, выкупіў будынак і пачаў будоўлю ў 2018 годзе. Ён хацеў адкрыць у былой кацельні культурны кластар з танцавальнай студыяй і невялікай залай для правядзення розных мерапрыемстваў. Таксама на пяці паверхах планавалі размясціць офісы,
крамы з харчовымі і нехарчовымі таварамі, хостэл, найбуйнейшую ў Гродне краму сантэхнікі, кабінеты медыцынскіх паслуг, кафэ і сушы бар. Фішкай павінна было стаць кафэ, размешчанае на трубе былой кацельні на вышыні 30 м. Рабочая назва праекта была «Маяк».

Праект будынка на Цітова, 26. Крыніца: bankrottorg.by

Уладзімір Рамановіч памёр ад ковіда. Пасля яго смерці бізнэс збанкрутаваўся. Ліквідацыя пачалася ў кастрычніку 2021 года. Банкрутам суд прызнаў фірму ў лютым 2022 года. Рамановічу таксама належаў будынак, дзе размяшчаўся праект «Дом 46». Ім займалася яго дачка Яўгенія Рамановіч.

Чытайце таксама: Пад асфальтам на вуліцы Цітова знайшлі брукаванку

Падзяліцца

Апошнія запісы

«Пекла на зямлі». Гродзенка падзялілася, як працуе кадастравае агенцтва падчас рамонту

Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…

21 лютага 2025

У конкурсе «Гродна Азот» да Дня роднай мовы паўдзельнічалі два пенсіянеры і ідэолаг

Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…

21 лютага 2025

У Польшчы закрылі справу аб давядзенні беларускага экс-палітвязня да самагубства

Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…

21 лютага 2025

Дырэктара прадпрыемства з Ваўкавыскага раёна судзяць за разгалашэнне службовай таямніцы

Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…

21 лютага 2025

Сыркі «Малочнага Міру» не спадабаліся МАРГ — там знайшлі прапаганду нацызму

"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…

21 лютага 2025

Нерухомасць тыдня: у Гродне прадаецца кватэра — сапраўдны постсавецкі олдскул

На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…

21 лютага 2025