Іншаземец, які ўвесь час жыве ў Беларусі, апублікаваў у сацсетках сваю фатаграфію ў форме сілавіка — у кіцелі з шаўронам і ў фуражцы з кукардай. Пры гэтым ён не служыў. У Смаргонскім РАУС палічылі, што хлопец насіў форменнае абмундзіраванне, не маючы на гэта права. Справа дайшла да суда.
Справу паводле ч. 2 арт. 24.28 КаАП «Нашэнне форменнага адзення са знакамі адрознення на форменнай вопратцы асобай, якая не мае на гэта права» разглядалі 18 снежня 2023 года ў судзе Смаргонскага раёна. Яна паступіла з мясцовага РАУС.
Фігурант справы — грамадзянін Расіі, мае беларускі від на жыхарства і працуе кіроўцам у прыватнай фірме. Віну ён прызнаў цалкам. Яго аштрафавалі на 10 базавых велічынь (370 рублёў) без канфіскацыі прадмета правапарушэння. Рашэнне з’явілася ў банку судовых рашэнняў.
Чытайце таксама: Затрыманых на «Гроднагаз» у Шчучыне працягваюць судзіць. Цяпер — за фота бел-чырвона-белага сцяга
