Навіны

У Гродзенскі аблвыканкам шукаюць прыбіральшчыкаў, слесара і сісадміна: вось якія заробкі ім гатовы плаціць

Шэсць вакансій у Гродзенскім аблвыканкаме з’явіліся на партале службы занятасці 29 снежня 2023 года. На іх звярнула ўвагу «Газета Слонімская». Вось якія заробкі прапануюць у гэтай установе Гродна.

Фота ілюстрацыйнае: iStock

Больш за ўсё ў Гродзенскім аблвыканкаме зможа зарабіць адміністратар сетак. Каб уладкавацца на гэтую пасаду патрэбная вышэйшая адукацыя. Выканкам прапануе пастаянную працу ў адну змену на адну стаўку. Зарплата ў гэтым выпадку складзе 1220 руб. (тут і далей — заробкі да выліку падаткаў).

Электрамеханік-электраманцёр па рамонце і абслугоўванні электрычнага абсталявання заробіць менш. Яму ў аблвыканкаме гатовы плаціць 752−770 рублёў. Наймальнік шукае спецыяліста з трэцім разрадам і адпаведнай прафесійна-тэхнічнай адукацыяй.

Падобны заробак у слесара-сантэхніка — 748 рублёў.

З агульнай сярэдняй адукацыяй гатовы ў аблвыканкаме ўзяць на працу прыбіральшчыкам памяшканняў. На гэтую пасаду шукаюць трох супрацоўнікаў. Зарплата прыбіральшчыка складзе 690 рублёў.

Чытайце таксама: Базавая велічыня ў Беларусі ў 2024 годзе вырасла да 40 рублёў

Якія сярэднія заробкі ў Гродне

Усе гэтыя вакансіі прапануюць заробак ніжэйшы за сярэдні па Гродне і вобласці. У лістападзе 2023 года намінальная налічаная сярэдняя зарплата ў Гродне склала 1991,1 рубля. У Гродзенскай вобласці - 1783,9 рубля.

Гэта заробкі да выплаты падаткаў і страхавых узносаў, гэта значыць, на рукі работнік атрымлівае менш — трэба адняць 13% падаходнага падатку і 1% узносаў у Фонд сацыяльнай абароны насельніцтва.

Падзяліцца
Меткі: грошыпраца

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025