Чарга легкавых аўтамабіляў. Ілюстрацыя створана рэдакцыяй Hrodna.life з дапамогай штучнага інтэлекту Copilot.
Пасля навагодніх святаў беларусы пачалі вяртацца ў краіны Еўрасаюза. Больш за 200 прыватных аўтамабіляў стаяць у чэргах на мяжы. «Каменны Лог» і «Беняконі» — самыя загружаныя пункты пропуска.
Паводле стану на 12:00 3 студзеня самы загружаны пункт — «Каменны Лог». Там у чарзе стаіць 80 легкавых аўтамабіляў. Другі па загружанасці - «Беняконі» — 60 аўтамабіляў. Па 40 аўтамабіляў у чэргах на «Прывалцы» і «Катлоўцы». Менш за ўсё прыватнага транспарта ў пункце пропуску — «Брэст» — 20 аўтамабіляў. Затое там найбольшая чарга аўтобусаў - 14. Такія лічбы можна пабачыць на сайце Дзяржаўнага памежнага камітэту.
Паслянавагоднія чэргі на мяжы з Польшчай ужо пайшлі на спад. У «Брэсце» 2 студзеня ў другой палове дня адначасова ў чарзе стаяла да 220 аўто, у ноч на 3 студзеня — да 250. На мяжы з Літвой яны наадварот растуць — у «Каменным Логу» 2 студзеня на выезд з краіны чакалі адначасова не больш за 35 машын, цяпер жа — 80.
Удзельнікі чата «ГраницаBY» у Telegram пішуць, што на беларуска-літоўскай мяжы прыехалі ў зону чакання ў 22 гадзіны 2 студзеня, а станам на 8 раніцы 3 студзеня чакалі праходжання літоўскай мяжы. Перад імі было яшчэ 12−15 аўтамабіляў.
Падобную інфармацыю напісаў іншы карыстальнік чата. Ён прыехаў на мяжу ў 23:30 і толькі ў 7:30 ён прайшоў беларускі памежны кантроль.
Яшчэ адзін карыстальнік, але ўжо на беларуска-польскай мяжы, напісаў, што праходжанне кантролю ў яго заняло дзевяць гадзін. «РБ-РП 9 гадзін у суме без рэнтгена, але ехаў у нас праз чырвоны калідор. У гадзіну ночы па нашым заняў чаргу перад зонай чакання, у 10 раніцы выехаў праз шлагбаум ад палякаў».
Чытайце таксама: У «Прывалцы» — 12 гадзін, у «Цярэспалі» — 14. Што адбываецца на межах Беларусі з ЕС паміж святочнымі «патопамі», і калі наступны
Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…
Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…
Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…
У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…
Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…
У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…