На працягу двух дзён сілавікі затрымалі супрацоўнікаў у філіяле “Аўтапарк № 12 г.Шчучын”. Прычынай стала распаўсюджванне экстрэмісцкіх матэрыялаў у інтэрнэце.
Пра гэта распавялі ў мясцовым Telegram-канале, які вядуць сілавікі. Колькі чалавек затрымалі, не паведамляецца.
На мінулым тыдні работнікам прадпрыемства распавялі пра Рэспубліканскі спіс экстрэмісцкіх матэрыялаў.
“Аўтапарк № 12 г.Шчучын” здзяйсняе пасажырскія і грузавыя перавозкі і здае аўтобусы ў арэнду. У аўтапарку адкрыты вакансіі BCDE.
Раней сілавікі прыйшлі ў Гродзенскі занальны інстытут раслінаводства Нацыянальнай акадэміі навук Беларусі ў Шчучыне.
