Нерухомасць тыдня: на Дзевятоўцы прадаецца кватэра з «выдатнай энергетыкай» і акварыумам

Двухпакаёвая кватэра па вул. Ліможа, 23а прадаецца ў Гродне. Пры рамонце ў ёй выкарыстоўвалі дэкаратыўную цэглу. Купіць кватэру можна з мэбляй і тэхнікай. У санвузле тут ёсць рознаўзроўневае падсвятленне, а на кухні — барная стойка і акно да падлогі.

Кватэра размешчана на чацвёртым паверсе сяміпавярхоўкі. Агульная плошча — 57,6 кв м. У прыхожай ёсць шафа-купэ. У кватэры — зашклёная добраўпарадкаваная ўцепленая лоджыя і ёмісты склеп.

Уваходныя металічныя дзверы — з шумаізаляцыяй. На падлогах — плітка і ламінат. Санвузел сумешчаны і з рознаўзроўневай падсветкай. Там ёсць ванна, душавая кабіна і бідэ. Кухня ўбудаваная ў камплекце з духавой шафай. Ёсць халадзільнік, мікрахвалеўка, пральная машына. На кухні ёсць барная стойка і акно да падлогі. А яшчэ — акварыум.

У зале размешчаны два сталы, дзве канапы і шмат дэталяў накшталт карцін і гітар на сцяне. Пераважаюць цёмныя і кантрасныя колеры.

Кватэра ў выдатным стане, запэўніваюць прадаўцы. Абяцаюць шмат лакацый для адпачынку. «У кватэры выдатная энергетыка», — абяцаюць прадаўцы.

Побач з домам — крамы, школы, гімназія, дзіцячыя сады, паліклініка, запраўка. Таксама побач зручная транспартная развязка, вялікая паркоўка, дзіцячая пляцоўка і добраўпарадкаваная дваровая тэрыторыя.

Кошт — $ 55 000.

Вам дапамогуць прадаць нерухомасць для пакупкі гэтай.

Чытайце таксама: Нерухомасць тыдня: дызайнерская кватэра з каменнай ваннай і трапічным душам