У Гродне прадаюць трохпакаёвую кватэру ў цэнтры горада. Адзін з санвузлоў ля спальні - гэта SPA-зона з каменнай ваннай і трапічным душам. Рамонт зроблены ў стылі «стрыманага скандынаўскага шыку». У кватэры — адкрытая планіроўка з рознымі зонамі.
Кватэра размешчана на 10-м паверсе 16-павярхоўкі. Агульная плошча — 96 кв.м. У ёй высокая якасць аздаблення, сцвярджаюць прадаўцы.
Кватэра мае адкрытую планіроўку. Спраектаваны неабходныя функцыянальныя зоны: прыхожая, гасцёўня, сталовая і кухня. У кожнай зоны — сваё падсвятленне. У кухоннай зоне ёсць барная стойка. Справа — абедзенны стол. У інтэр'еры выкарыстоўвалі шмат дрэва і бэжавых тонаў. На сценах вісяць карціны. Узоры дывана і падушак пераклікаюцца.
У спальным пакоі стаіць вялікі двухспальны ложак і зона для чытання, ёсць гардэробная і туалетны куток. У кватэры ёсць два санвузлы — гасцявы і гаспадарскі з выхадам са спальнага пакоя. У адным з іх размешчаны трапічны душ — тэхнічнае рашэнне для імітацыі дажджу, распрацаванае для тэрапіі і прафілактыкі неўралагічных парушэнняў. Ёсць зашклёны балкон.
Ёсць уся тэхніка, у тым ліку — кандыцыянер. «Кожная дэталь у інтэр'еры старанна прадумана і спалучаецца адзін з адным, ствараючы гарманічны вобраз», — сцвярджаюць прадаўцы.
Разам з кватэрай ідзе месца для аўтамабіля на падземнай паркоўцы.
Кошт — дагаворны.
Чытайце таксама: Нерухомасць тыдня: трошка з мэбляй на заказ у адзіным стылі і шыкоўным відам на горад
