Навіны

«Чалавек, які зрабіў гэтую краіну». Былы гродзенскі ідэолаг хоча зняць фільм пра Лукашэнку

Гендырэктар «Беларусьфільма» Юрый Аляксей, які раней кіраваў «Гроднааблкінавідэапракатам», БРСМ і быў адным з ідэолагаў у Гродне, прапанаваў зняць мастацкі фільм пра Аляксандра Лукашэнку. «Напэўна, ужо падыходзіць гэты час», — сказаў ён у размове з Рыгорам Азаронкам у эфіры тэлеканала СТБ. Гэта заўважыў Reform.by.

«Прэзідэнт не любіць і не ўхваліў бы такі праект — ён вельмі сціплы чалавек. Але для сябе, я, напрыклад, задумваўся аб такім, для сябе задумваліся аб фільме аб прэзідэнце?» — спытаў Рыгор у Юрыя Аляксея ў канцы размовы.

«Ведаеце, мы думаем, я таксама думаю, і мне падаецца, гэта неабходна зрабіць. Чалавек, які зрабіў гэтую краіну, чалавек, які вядзе беларусаў вось менавіта гэтым шляхам. Мы жывем ва ўнікальны час. Я лічу, што, мусіць, ужо падыходзіць гэты час, калі, можа быць, мы сумесна з вамі, з нашымі калегамі будзем абмяркоўваць і магчымасць, і неабходнасць гэтага. Я бачу, што гэта, напэўна, ужо трэба нам», — заявіў гендырэктар «Беларусьфільма».

Агулам усё інтэрв'ю было прысвечана ідэалагічнаму складальніку ў рабоце кінастудыі. Юрый Аляксей заявіў, што месца апазіцыянерам на «Беларусьфільме» няма.

«Вядома. Мы, „Беларусьфільм“, натуральна, з нашым прэзідэнтам, з нашай дзяржавай, і мы, яшчэ раз я хачу сказаць, мы праводзім і палітыку нашай дзяржавы. Гэта адлюстроўваецца ў нашых фільмах як дакументальных, так і мастацкіх. Таму, я лічу, культура — неад’емная частка дзяржаўнай палітыкі», — сказаў ён.

Хто такі Юрый Аляксей

Юрый Мар’янавіч Аляксей — генеральны дырэктар нацыянальнай кінастудыі «Беларусьфільм». Яго 28 ліпеня 2023 года прызначыў на гэтую пасаду Аляксандр Лукашэнка.

У розныя гады Юрый Аляксей быў галоўным спецыялістам аддзела культуры Гродзенскага гарвыканкама, галоўным спецыялістам упраўлення ідэалогіі Гродзенскага аблвыканкама, узначальваў гродзенскі абласны БРСМ. З 2012 па 2016 года быў членам Савета Рэспублікі. З 2012 года быў генеральным дырэктарам камунальнага ўнітарнага прадпрыемства «Гроднааблкінавідэапракат».

У 2017 годзе Юрый Аляксей падаваў у суд на гродзенскі блог s13.ru і дамогся, каб уладальніка блога Сяргея Чабоцьку аштрафавалі на 50 базавых велічынь быццам бы за рэкламу алкаголю. Парадаксальнасць сітуацыі была ў тым, што раней сам «Гроднааблкінавідэапракат» аштрафавалі па гэтым самым артыкуле.

У снежні 2017 года «Гроднааблкінавідэапракат» падаў у суд на Hrodna.life — і прайграў.

Падзяліцца

Апошнія запісы

Гронкі кветак, люстэркі і ружовае футра. У Гродне з’явіліся вясновыя фотазоны

Пакуль сады толькі заквітнеюць, ва ўстановах і крамах Гродна падрыхтавалі вясновыя фотазоны. Часта гэта гронкі…

2 красавіка 2025

Старадаўнія падвалы ў цэнтры Гродна прыцягваюць бізнес. Калі памяшканні можна выкарыстоўваць у камерцыйных мэтах?

На Савецкай вуліцы каля 80% падвалаў задзейнічаны пад бізнес, прыводзіць статыстыку газета “Гродзенская праўда”. Пры…

1 красавіка 2025

У Гродне адкрыецца школа барыста — арганізатары хочуць, каб ва ўстановах варылі якасную каву

Уладальнікі гродзенскіх кавярань «Крепкий белый» і «Крепкий черный» запускаюць школу барыста. Летась арганізатары ўжо праводзілі…

1 красавіка 2025

Гродзенец стварыў дакладную копію Фарнага касцёла ў мініяцюры — і друкуе фігуркі на 3D-прынтары

Гродзенец Ігар Апякун канструюе мэблю для круізных лайнераў - стварае прататыпы праз спецыяльную праграму. Ігар…

31 сакавіка 2025

Блогер-гісторык Яўген Аснарэўскі выдаў турыстычны даведнік па Гродне з аўтарскімі маршрутамі

Кніга «Удивительный Гродно» Яўгена Аснарэўскага выйшла ў мінскім выдавецтве «Рыфтур». Даведнік разлічаны і на турыстаў,…

31 сакавіка 2025

У Гродна прыйшоў новы трэнд — ранішнія рэйвы ў кавярнях

Як мінімум дзве гродзенскія кавярні, My Lover Berry і «Крепкий белый», вырашылі апрабаваць новы фармат…

31 сакавіка 2025