Шлагбаум на вуліцы Дамініканская, 3. Крыніца: newgrodno.by
Маці з вазкамі не могуць патрапіць з вуліцы Дамініканскай на вуліцу Савецкую. Прычына — шлагбаум, які перагароджвае дарогу. Пра гэта NewGrodno.by расказала маладая маці, якая не здолела пераадолець перашкоду.
На Дамініканскай, 3, побач са шлагбаумам, знаходзіцца пляцоўка летняга кафэ. «Стойка шлагбаума размяшчаецца вельмі блізка да тэрасы летняга кафэ. Прайсці з вазком практычна немагчыма, а для бацькоў блізнятаў гэтая місія робіцца і ўвогуле невыканальнай», — сказала жанчына.
Шлагбаум на вуліцы Дамініканскай усталявалі вясной 2023 года. Ён павінен быў абмежаваць праезд чужых аўтамабіляў на пешаходную вуліцу Савецкую. Таксама гэта павінна было гарантаваць большую бяспеку пешаходам у гістарычнай частцы горада.
Гэты шлагбаум усталявалі ў канцы красавіка 2023 года, але ў жніўні Гродзенская гарадская жыллёва-камунальная гаспадарка замовіла распрацоўку праекта для шлагбаума на Дамініканскай, 3. На распрацоўку планавалі выдаткаваць больш за тры тысячы рублёў з гарадскога бюджэта.
Пры гэтым, яшчэ адзін шлагбаум у гэтым месцы ставіць не збіраліся. Верагодна, закупка была звязана з рэканструкцяй ці мадэрнізацыяй ужо існага шлагбаума, казалі ў Гродзенскай гарадской ЖКГ. Але гаворка ў дакументах вялася менавіта пра ўсталёўку быццам новага абсталявання.
Чытайце таксама:
"Лідскае піва" памяняла фармат тары для брэнда KORONET Lager. Прычына ў адсутнасці патрэбнай тары -…
Гродзенскі рок-гурт 8sonca запісаў трэці музычны альбом. Музыкі прысвяцілі яго каханню і ўнутраным перажыванням. Рэліз…
Валанцёры грамадскай арганізацыі "Адданае сэрца" просяць гродзенцаў дапамагчы з мэбляй. У домік для катоў, які…
Гродзенка купіла клубніцы ў шакаладзе ад кавярні MyLoverBerry і вырашыла пакаштаваць яе на відэа. Дзяўчыну…
Вядучая "Марафону адзінства" Анастасія Кісель, студэнт года і дэлегат Усебеларускага народнага сходу, павінна была атрымаць…
Жыхара Ваўкавыска Леаніда Трафімовіча пачалі судзіць 21 студзеня. Працэс па арт. 370 КК "Здзек з…