Навіны

Нерухомасць тыдня: купіць кватэру-студыю з цёплым балконам-кабінетам

У Гродне прадаюць двухпакаёвую кватэру-студыю. Кватэра вельмі светлая — усе вокны выходзяць на паўднёвы бок. Фішка кватэры — перапланіроўка, дзякуючы якой з’явіўся балкон-кабінет. Таксама ў ёй з густам падабраныя нейтральныя і «свежыя» колеры.

Яна знаходзіцца на 14-м паверсе 15-павярхоўкі на Таўлая, 61 у мікрараёне Дзевятоўка. Агульная плошча — 60,1 кв. м.

У кватэры зрабілі перапланіроўку. Залу аб’ядналі з кухняй. У кватэры два балконы. Адзін з іх аб’ядналі з кватэрай з дапамогай французскага акна (від акна ў падлогу, адаптаваны элемент архітэктуры французскага класіцызму — Hrodna.life). Калі трэба, дзверы можна прыбраць. Гэты балкон ўцеплены, праведзена цёплая падлога — і яго можна выкарыстоўваць як кабінет. Другі балкон выходзіць на заходні бок — гэта дае прыгожае вячэрняе святло.

Два жылыя пакоі шумаізаляваны ад суседзяў. Кухня — функцыянальная з прадуманым захоўваннем і вялікай працоўнай зонай. Ёсць убудаваная бытавая тэхніка Bosch: індукцыйная пліта, духавая шафа, посудамыйная машына. Таксама на кухні ёсць шырокі халадзільнік — 70 см, магутная выцяжка, убудаваная мікрахвалеўка, фільтр зваротнага осмасу (прылада для ачысткі вады — Hrodna.life).

Санвузел сумешчаны. У ваннай пакоі падлучаны бойлер для забеспячэння гарачай вадой на час адключэння, устаноўлена бідэ.

Кватэра на Таўлая. Фота: realt.by

У кватэры прыемны рамонт з выкарыстаннем колераў, якія спалучаюцца паміж сабой. Базай застаецца белы колер. У адным з пакояў сцяна выкладзеная пліткай. У інтэр'еры выкарыстоўваецца шмат плеценых дэталяў натуральнага адцення. Акрамя натуральнага святла, ёсць шмат лямпаў для штучнага асвятлення. Для ўпрыгожвання — хатнія кветкі і карціны.

Кошт — $ 68 500.

Чытайце таксама: Нерухомасць тыдня: купіць паўдома на Палестыне побач з аб’язной

Падзяліцца

Апошнія запісы

На могілках у Гродне з’явілася пліта расійскага салдата, які ваяваў супраць Украіны

Пліта Ведніка Леаніда Анатольевіча, які, верагодна, загінуў на вайне супраць Украіны, з'явілася ў калумбарыі на…

23 красавіка 2025

Як будзе выглядаць стогадовы дом у стылі канструктывізму на Міцкевіча пасля перабудовы: праект

Драўляны будынак у стылі канструктывізму 1930-х на Міцкевіча, 1 у Гродне перабудуюць у трохпавярховы гатэль…

23 красавіка 2025

У Гродне можна зрабіць здымак райка вока — паслуга падабаецца парам

Макраздымак райка (рус. - радужки) вока можна зрабіць у Гродне на вул. Будзённага. Закаханым прапануюць…

23 красавіка 2025

У Беларусі распрацуюць экскурсію па храмах і могілках Воранаўшчыны

У Нацыянальным агенцтве па турызме прапануюць распрацаваць экскурсію "Па святынях Воранаўшчыны". Аўтар зможа зарабіць 2820…

23 красавіка 2025

Дом быту ў Гродне прадалі на аўкцыёне з пятай спробы

Раней Дом быту на Замкавай, 4 спрабавалі прадаць ужо чатыры разы. У час аўкцыёну, які…

22 красавіка 2025

У гродзенскіх гатэлях амаль не засталося месцаў на травеньскія святы

У Threads беларус Дзяніс выказаў здзіўленне наконт таго, што ў гасцініцах і гатэлях Гродна ўсе…

22 красавіка 2025