Адно з мерапрыемстваў арганізацыі. Фота з суполкі ВКонтакте
Праз Гродзенскі абласны суд ліквідуюць грамадскую арганізацыю «Хрысціянская садружнасць дарослых і маладых» (YMCA). Пасяджэнне пройдзе 18 верасня. Арганізацыя працавала ў розных гарадах Беларусі і займалася развіццём здаровага ладу жыцця.
Ісцец — Міністэрства юстыцыі Рэспублікі Беларусь. Суддзя — Святлана Даўгашэй.
UPD 10 кастрычніка. Грамадская арганізацыя «Хрысціянская садружнасць дарослых і маладых» знаходзіцца ў стадыі ліквідацыі па рашэнні Гродзенскага абласнога суда ад 4 кастрычніка.
«Дарагія сябры! Мы вымушаныя закрываць нашыя групы і старонкі ў сацсетках у сувязі з рашэннем аб ліквідацыі арганізацыі. <…> Нам вельмі шкада, што ўсё гэта адбываецца. Мы ўдзячныя кожнаму члену і валанцёру арганізацыі за вялікі ўклад у развіццё маладзёжнага руху і цэнім кожны момант, перажыты разам. Гэта былі цудоўныя гады з выдатнымі людзьмі. Дзякуй вам, і мы спадзяемся на лепшую будучыню!», — напісалі ў суполцы арганізацыі «ВКонтакте».
YMCA — гэта некамерцыйная грамадская арганізацыя, даступная для людзей усіх веравызнанняў, нацыянальнасцяў, узростаў і сацыяльнага становішча. Заснавана ў Лондане ў 1844 годзе Джорджам Вільямсам, налічвае каля 45 млн удзельнікаў у больш чым 130 краінах свету. Стала вядомая дзякуючы арганізацыі дзіцячых лагераў.
У Беларусі YMCA пачала сваю дзейнасць у 1995 годзе, а ў 2000 была афіцыйна зарэгістраваная. Яе мэта — усебаковае развіццё членаў арганізацыі і клопат пра здаровы лад жыцця. Арганізацыі праводзіла фестывалі, арганізоўвала лагеры для дзяцей, адукацыйныя курсы.
Цяпер сайт арганізацыі ў Беларусі недаступны, супольнасці ВКонтакте і ў Facebook не абнаўляліся больш за год.
Арганізацыі прысвяціў публікацыю адыёзны прапагандыст «СБ. Беларусь сегодня» Андрэй Мукавозчык. Там членаў праўлення арганізацыі назвалі «БЧБшнікамі, ятутбайкамі, байсолаўцамі і явыхадзілкамі».
Чытайце таксама:
Святкаванне Дня Перамогі ў Гродне пачалі з акцыі "Беларусь памятае" - шэсця з партрэтамі ўдзельнікаў…
Частку ўнутранай паркоўкі гандлёвага цэнтра OldCity аддалі пад арэнду дрыфт-трайкаў. Пакатацца за плату зможа любы ахвочы,…
У пачатку вялікіх выхадных у Беларусі чэргі на мяжы зноў выраслі - на гэты раз…
У Гродне закрываецца "VIP bar" на Дзяржынскага, 8А - не прапрацаваўшы і двух месяцаў. Ён…
Фірму-уладальніка крамы "АвтоЗапчасти" ў Гродне, ТАА "Рукша", зноў хочуць збанкруціць. Банкруцтва хочуць прызнаць праз эканамічны…
Два новенькія электрычныя пікапы Tesla Cybertruck 2023 года выпуску затрымалі літоўскія мытнікі 7 траўня ў…