Удзельнікі вучэння на Гожскім палігоне, 8 жніўня 2023. Фота: Мінабароны Беларусі
У Парэччы пад Гроднам у першай палове жніўня адбыўся інцыдэнт — танк стрэліў у бок населенага пункта і трапіў у будынак Гродзенскага абласнога кадэцкага вучылішча. Пра гэта расказала Reform.by крыніца, знаёмая з сітуацыяй. Ад стрэлу танка ніхто не пацярпеў.
Танк удзельнічаў у вучэннях побач з Гожскім палігонам, каля 10 км ад Парэчча і 20 км ад Гродна. Экіпаж танка задраў ствол і стрэліў. Снарад трапіў у пляц кадэцкага вучылішча, адрыкашэціў і разбурыў сцяну суседняга будынка. Навошта танкісты гэта зрабілі - невядома.
Ваенныя аператыўна адрамантавалі будынак. Афіцыйна аб інцыдэнце не паведамлялі.
Камандна-штабное вучэнне з 6-й асобнай гвардзейскай механізаванай брыгадай пачалося 7 жніўня на Гожскім палігоне і на іншых участках у Гродзенскай вобласці і праходзіла некалькі дзён. Яно ўключала этап з баявой стральбой.
Планавалася адпрацаваць кіраванне падраздзяленнямі падчас вядзення баявых дзеянняў. Абяцалі ўлічыць досвед вайны ва Украіне, а менавіта — шырокае прымяненне беспілотнікаў і цеснае ўзаемадзеянне танкавых і мотастралковых падраздзяленняў з іншымі родамі войскаў.
Гродзенец Павел Юшкевіч, які жыве ў Торуні, атрымаў польскае грамадзянства па рашэнні Куяўска-Паморскага ваяводы. Раней…
Штогод у Гродзенскай вобласці выяўляюць больш за 6 тысяч анкалагічных захворванняў. Па стане на 2025…
Гродзенскі прадпрымальнік Артур Рымша выпусціў кліп на песню "Дзве сястры" - у ёй мужчына спявае…
"Лідскае піва" памяняла фармат тары для брэнда KORONET Lager. Прычына ў адсутнасці патрэбнай тары -…
Гродзенскі рок-гурт 8sonca запісаў трэці музычны альбом. Музыкі прысвяцілі яго каханню і ўнутраным перажыванням. Рэліз…
Валанцёры грамадскай арганізацыі "Адданае сэрца" просяць гродзенцаў дапамагчы з мэбляй. У домік для катоў, які…