Польскі вайсковы верталёт PZL W-3T «Sokół». Ілюстрацыйнае фота. Крыніца: airliners.net
У Польшчы ўзмацняюць войскі на беларускім накірунку. Баявыя верталёты дзвюх брыгад вайскова-паветраных сіл перадыслакавалі да мяжы з Беларуссю. Пра гэта 3 жніўня 2023 года паведаміў генерал Марэк Сакалоўскі падчас брыфінгу міністра абароны Польшчы Марыуша Блашчака ў Беластоку.
Да мяжы з Беларуссю перадыслакавалі верталёты 1-й авіяцыйнай брыгады сухапутных войскаў, а таксама верталёты 25-й паветрана-кавалерыйскай брыгады. Тэхніка будзе размяшчацца ў двух месцах. Яна будзе знаходзіцца ў рэжыме неадкладнага рэагавання на выпадак узнікнення інцыдэнтаў на мяжы. У выпадку правакацый пілоты будуць гатовыя прымяніць зброю.
«Верталёты ўзброеныя і гатовыя да бою. Тут ёсць вельмі дасведчаныя пілоты з поўнымі лётнымі правамі, ёсць пілоты, якія былі са мной у Афганістане і Іраку і ўжывалі бартавое ўзбраенне і ракеты. Яны вопытныя. Калі здарыцца нешта трывожнае, яны без ваганняў прыменяць зброю», — сказаў Сакалоўскі.
Рашэнне аб перадыслакацыі верталётаў прынялі пасля правакацыі, якая адбылася 1 жніўня 2023 года. Тады два беларускія вайсковыя верталёты парушылі паветраную прастору Польшчы ў раёне Белавежы. Тэхніка заляцела на тэрыторыю Польшчы ўглыб на тры кіламетры. Міністэрства замежных спраў і Міністэрства абароны Беларусі адмаўляюць інцыдэнт.
У Сейме Польшчы 16 жніўня 2023 года адбудзецца пасяджэнне камісіі. Яна будзе аналізаваць інцыдэнт з парушэннем паветранай прасторы Польшчы, а таксама разглядаць агульную сітуацыю ў сувязі з размяшчэннем у Беларусі ПВК «Вагнер».
Чытайце таксама: Украінскія крыніцы: пад Гродна прыбылі каля 100 вагнераўцаў, каб ладзіць правакацыі на межах з Польшчай і Літвой
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…