Ачыстка дна Нёмана ў ваколіцах Ласосна. Скрыншот з відэа тэлеканала "Гродна"
Спецыялісты прадпрыемства «Белводшлях» пачалі ачыстку дна Нёмана ў межах горада. У планах — навесці парадак на адлегласці каля кіламетра і падрыхтаваць фарватар для бяспечнага праходжання цяжкай тэхнікі па рацэ. Гэта патрэбна, каб пазней правесці такія ж работы ў цэнтры Гродна.
У канцы ліпеня дно ракі ачышчалі ў ваколіцах пляжа ў лесапарку Ласосна, паведаміў тэлеканал «Гродна». У першы тыдзень жніўня працы працягнуцца бліжэй Новага моста на Паповіча — там з дна ракі трэба будзе падняць будаўнічае смецце, камяні і іншыя прадметы, якія маглі трапіць у ваду ў час рэканструкцыі моста. У верасні запланавана ачыстка вусця Гараднічанкі - там зараз ідзе рамонт старога моста па вуліцы Рыбацкай. Ачысцяць і тэрыторыю вакол цэнтральнага пляжа. На пляжы таксама скосяць водную расліннасць.
У Гродне другі год абмежавана суднаходства па Нёмане з-за экстрэмальна нізкага ўзроўню вады. Цеплаход «Вольга Соламава», які дзесяцігоддзямі катаў гродзенцаў па рацэ летам, быў вымушаны перабрацца на Аўгустоўскі канал.
Глядзіце таксама: Каля «Прывала» вырашылі зрабіць пераправу праз Нёман на базе баржы. Раней планавалі мост
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…