Гродзенскі калумбарый на могілках Аўльс. Крыніца: vgr.by
Першы гродзенскі калумбарый пабудавалі на могілках Аўльс. Там можна размясціць 1088 урнаў з прахам памерлых, паведаміў «Вячэрні Гродна».
Калумбарый размясцілі на новай тэрыторыі - праз дарогу ад старых могілак, насупраць канцавога прыпынка аўтобуса № 13. Калумбарый складаецца са 136 бетонных пліт, у кожнай па 8 ячэек. Станам на 25 ліпеня 2023 года ўсе ячэйкі былі вольнымі.
Бліжэйшае месца, дзе можна крэміраваць нябожчыка ў Беларусі - Мінскі крэматорый. Гэта каштуе амаль 2000 рублёў. Урну з прахам могуць перадаць праз 10 дзён пасля крэміравання, або на наступны дзень — за даплату 100 рублёў.
Яшчэ ў 2020 годзе будаваць крэматорый у Гродне ўсё ж планавалі, хай і ў аддаленай будучыні. Могілкі з дзвюмя формамі пахавання (традыцыйнай і прах у скрынях) з перспектыўным (пасля 2030 года) будаўніцтвам крэматорыя прадугледжваліся ў генплане горада. Месца вызначылі справа ад Аульса. Будаўніцтва крэматорыя вырашыла б многія праблемы, ідэю падтрымала і кіраўніцтва горада. Але, як тады патлумачыў першы намеснік старшыні гарвыканкама Андрэй Жук, паводле закону будаваць яго мае права толькі дзяржава. Таксама яго турбавала тое, што ў рэгіёне шмат рэлігійных канфесій, і крэмацыя можа не прыжыцца.
Чытайце таксама: Могілкі ці крэматорый? Як Гродна будзе хаваць сваіх памерлых
Шматгадзінныя чэргі, перфаратар і два акенца на рэгістрацыю. Дзяўчына схадзіла ў Гродзенскае агенцтва па дзяржаўнай…
Прадпрыемства "Гродна Азот" 12 лютага ў Telegram-канале анансавала конкурс да Дня роднай мовы. Да самога…
Палітзняволены з Гродна Кірыл Кетурка скончыў жыццё самагубствам у Цэнтры ўтрымання пад вартай у Варшаве-Служэўцы…
Былому сенатару і дырэктару «Краснасельскбудматэрыялы» Уладзіміру Кісялёву пагражае да трох гадоў калоніі за разгалашэнне службовай…
"Малочны Мір" абавязалі змяніць назву для серыі глазураваных сыркоў. Пасля чыёсьці скаргі ў Міністэрства антыманапольнага…
На Гагарына, 25 у Гродне прадаецца двухпакаёвая кватэра з выдатна захаваным постсавецкім інтэр'ерам. Дом, у…
