Палітвязня журналіста і культурнага менеджара Паўла Мажэйку пачнуць судзіць 10 ліпеня ў 14.30 у Гродзенскім абласным судзе. Яго будуць судзіць паводле арт. 361−4 КК «Садзейнічанне экстрэмісцкай дзейнасці».
Абставіны справы невядомыя — адвакат і блізкія былі пад падпіскай аб неразгалошванні. Доўгі час не разгалошвалі нават артыкул, у рамках якога мужчына затрыманы.
Паўла Мажэйку затрымалі пасля вяртання з Польшчы 30 чэрвеня 2022 года і змясцілі пад варту. Крымінальную справу перадалі ў суд у канцы траўня 2023. 25 траўня Мажэйка адзначыў 45-годдзе ў СІЗА Гродна. За час зняволення ён трапляў у ШІЗА і пачаў насіць акуляры.
За час следства Павел страціў адваката. Кваліфікацыйная камісія па пытаннях адвакацкай дзейнасці 16 чэрвеня вырашыла, што ў Аляксандра Бірылава «недастатковая кваліфікацыя». Зараз адвакат Паўла — Святлана Бірылава.
Павел Мажэйка быў журналістам першай незалежнай гродзенскай газеты «Пагоня» і адным з першых палітвязняў у Беларусі ў 2001−2003 гадах. Пазней займаўся выдавецкай дзейнасцю і адкрыў у Гродне культурную пляцоўку «Цэнтр гарадскога жыцця».
Чытайце таксама: Павел Мажэйка абвінавачваецца ў садзейнічанні экстрэмісцкай дзейнасці
Судзіць Паўла будзе вядомы па палітычных прысудах суддзя Максім Філатаў. Менавіта ён асудзіў памерлага ў калоніі Вітольда Ашурка, будучы суддзёй і намеснікам старшыні суда Лідскага раёна. Ён трапіў у чацвёрты пакет санкцый Еўрасаюза. У лідскай спартзале, дзе ён займаўся, яму ў заплечнік паклалі экскрыменты — праз гэта распачалі крымінальную справу, паведамляў адзін Telegram-канал.
Пазней Філатаў пайшоў на павышэнне — стаў суддзёй Гродзенскага абласнога суда. Тут ён судзіў Мікалая Аўтуховіча і чэмпіёна Беларусі па кікбоксінгу Паўла Абознага.
Чытайце таксама: Суддзя, які вынес прысуд Вітольду Ашурку, трапіў пад санкцыі
Другі ў горадзе шматузроўневы паркінг адкрытага тыпу пабудуюць у новым мікрараёне Грандзічы-23. Ужо адбываецца закладка…
Каля Каложскай царквы 18 траўня адкрылі званіцу. Папярэдне планавалася, што званы ўпершыню прагучаць у Дзень…
За распаўсюд экстрэмісцкіх матэрыялаў у Іўі судзілі пастыра. Верагодна, гаворка ідзе пра Юрыя Гардзея, пастыра…
Беларуса асудзілі паводле некалькіх артыкулаў - у тым ліку за тэракт. Ён адбывае пакаранне ў…
На актывістку страйкаму "Гроднапрамбуд" Юлію Сліўко завялі новую крымінальную справу. У Беларусі ў яе арыштавалі…
Адзінаццацігадовая дзяўчынка, якая ўпала з вышыні з атракцыёна ў Лідзе, аднаўляецца. Яе перавялі з рэанімацыі…