Супрацьклешчавыя апрацоўкі праходзяць у Гродне з 23 па 28 чэверня. Спецыялісты санстанцыі ўжо апрацавалі Каложскі парк, урочышча Пышкі, парк Жылібера, паведаміў Гродзенскі занальны цэнтр гігіены і эпідэміялогіі.
27−28 чэрвеня апрацаваць ад кляшчоў плануюць сквер на Альшанцы, лясны масіў на вуліцы Волкава, мікрараён Паўднёвы, лясныя масівы на вуліцы Кабяка і Томіна, лесапарк Румлёва і тэрыторыю каля возера Юбілейнага.
Спецыялісты апрацоўваюць не ўсю плошчу, а толькі тэрыторыю каля пешаходных і веласцежак, а таксама спортпляцовак і іншых месцаў для адпачынку. Санстанцыя папярэджвае, што цягам трох дзён пасля апрацоўкі не варта наведваць гэтыя мясціны.
Чэрвень — час найбольшай біялагічнай актыўнасці іксодавых кляшчоў. У Гродне у 2023 годзе іх знайшлі амаль ва ўсіх лясах на ўскраіне горада, а лясы з 14 сельсаветаў Гродзенскага раёна эпідэміёлагі палічылі тэрыторыямі рызыкі. Апрацоўка ад кляшчоў пачаткова планавалася на пачатак чэрвеня, але першая дзяржзакупка не адбылася — і іх пачалі труціць толькі ў канцы месяца.
У Гродне кляшчы водзяцца ў Пышках, Ласосне, Фолюшы, Грандзічах, Баранавічах, Вішняўцы і Альшанцы. У гэтых раёнах, а таксама ў Румлёва і на Юбілейным возеры, кляшчы прысмоктваюцца больш за ўсё.
Чытайце таксама: Дзе ў Гродзенскім раёне часцей за ўсё кусаюць кляшчы і як абараніцца
У 2023 годзе ў Беларусі зарэгістравалі два выпадкі клешчавога энцэфаліту і 200 выпадкаў Лайм-барэліёзу. Падхапіць кляшча можна не толькі на прыродзе, але і ў буйным горадзе. У Мінску на некаторых тэрыяторыях канцэнтрацыя кляшчоў перавышае дапушчальную норму.
Святкаванне Дня Перамогі ў Гродне пачалі з акцыі "Беларусь памятае" - шэсця з партрэтамі ўдзельнікаў…
Частку ўнутранай паркоўкі гандлёвага цэнтра OldCity аддалі пад арэнду дрыфт-трайкаў. Пакатацца за плату зможа любы ахвочы,…
У пачатку вялікіх выхадных у Беларусі чэргі на мяжы зноў выраслі - на гэты раз…
У Гродне закрываецца "VIP bar" на Дзяржынскага, 8А - не прапрацаваўшы і двух месяцаў. Ён…
Фірму-уладальніка крамы "АвтоЗапчасти" ў Гродне, ТАА "Рукша", зноў хочуць збанкруціць. Банкруцтва хочуць прызнаць праз эканамічны…
Два новенькія электрычныя пікапы Tesla Cybertruck 2023 года выпуску затрымалі літоўскія мытнікі 7 траўня ў…