Будынак па Цітова, 26 у Гродне. Фота: bankrottorg.by
Незавершаны закансерваваны будынак на вул. Цітова, 26 прадаюць з аўкцыёну. Там на месцы кацельні збіраліся пабудаваць шматфункцыянальны цэнтр «Маяк». Яго галоўнай славутасцю стала б кафэ на трубе на 30-метровай вышыні. Але фірма збанкрутавала.
UPD 7 ліпеня. Будынак кацельні і дзеючую арт-прастору і офісны цэнтр «Дом 46» прадавалі на аўкцыёне 6 ліпеня. Заявак на лоты не паступіла, паведамляе Telegram-канал «MAM (modern art museum)».
«Сёння творчая актыўнасць у „Дом 46“ падзгасла, але застаюцца памяшканні для культурных падзей, у будынку дзейнічаюць папулярны фітнес-цэнтр, качалка, здаюцца офісы. А кацельня — цікавы прыклад, што можна зрабіць з вытворчай „заброшкі“. <…> Натхняльнік і інвестар абодвух праектаў — гродзенскі бізнесмен Уладзімір Рамановіч — не перажыў COVID-19 у 2020-м годзе. І пакуль яго ідэі могуць стаць і застаюцца надзеямі», — напісалі ў канале.
Будынак плошчай 4481,30 кв.м прадае прыватнае прадпрыемства «РВВ». Кошт — 1 701 000 рублёў ($ 576 708). Аўкцыён пройдзе 6 ліпеня праз электронныя таргі. Пакуль на яго ніхто не зарэгістраваўся.
На месцы старой кацельні, ад якой заставалася труба, планавалі пабудаваць сучасны гандлёва-офісны будынак з сушы-барам, крамамі, офісамі, вялікай культурнай зонай і хостэлам. Працоўная назва — «Маяк». Яго галоўнай фішкай павінна было стаць незвычайнае кафэ на 30-метровай вышыні, убудаванае ў трубу. Таксама там планавалі пабудаваць кругавую аглядную пляцоўку.
Маёмасць, уключаючы дом на Цітова, 26, распрадае прыватнае прадпрыемства «РВВ». Гэта фірма бізнэсмэна Уладзіміра Уладзіміравіча Рамановіча — бацькі Яўгеніі Рамановіч, якая займалася ў Гродне праектам «Дом 46». Некалькі гадоў таму Яўгенія з’ехала ў Амерыку. Пасля смерці бізнэсоўца бізнэс збанкрутаваў.
Ліквідацыя пачалася ў кастрычніку 2021 года. Банкрутам суд прызнаў фірму ў лютым 2022 года. Чатыры разы тэрмін ліквідацыі падаўжалі. Цяпер ён прызначаны на канец жніўня 2023.
На момант прызнання банкрутам і пачатку ліквідацыі ў фірмы была крэдыторская запазычанасць на 2,3 млн рублёў, € 450 000 і $ 191 000. На дадзены момант прадаецца не менш за шэсць аб’ектаў нерухомасці, уключаючы памяшканні на Лялевеля, 46 (у тым ліку тыя самыя, дзе былі танцавальныя залы) і два аўтамабілі.
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…
