Сяргей Ціхі. Скрыншот з сайта УУС Гродзенскага аблвыканкама
У Гродне па двух артыкулах Крымінальнага кодэкса судзяць Сяргея Ціхага. Яго абвінавацілі ў распаўсюдзе службовай і дзяржаўнай таямніц. Верагодна, гэта былы начальнік аддзялення па наркакантролі і супрацьдзеянні гандлю людзьмі Гродзенскага РАУС.
Пасяджэнне па двух артыкулах КК пройдзе ў Гродзенскім абласным судзе 12 чэрвеня. Гэта арт. 375 ч.1 КК «Наўмыснае разгалашэнне службовай таямніцы» і арт. 373 ч. 2 КК «Наўмыснае разгалашэнне дзяржаўнай таямніцы». Суддзя — Аляксандр Козел. Абставіны справы невядомыя.
Дадзеныя Сяргея Ціхага супадаюць з дадзенымі начальніка аддзялення па наркакантролі і супрацьдзеянні гандлю людзьмі Гродзенскага РАУС Ціхага Сяргея Уладзіміравіча. Верагодна — былога.
У верасні 2022 года нейкі Сяргей Ціхі судзіўся ў грамадзянскім працэсе з УУС Гродзенскага аблвыканкама аб адмене загаду аб прымяненні дысцыплінарнага спагнання ў выглядзе звальнення, аднаўленні на службе і спагнанні грашовага забеспячэння за час вымушанага перапынку на службе.
Чалавек з такімі ж дадзенымі зарэгістраваны ў Адзіным дзяржаўным рэгістры юрыдычных асоб і індывідуальных прадпрымальнікаў 4 студзеня 2023 года. Ён займаецца дзейнасцю па арганізацыі адпачынку і забаў.
У 2020-м годзе ён быў лепшым супрацоўнікам падраздзяленняў па наркакантролі і супрацьдзеянні гандлю людзьмі.
Сяргей Ціхі трапіў в Telegram-канал «Доска позора Республики Беларусь». Там сцвярджалі, што ён «фабрыкуе справы паводле арт.328 КК», «здзекаваўся з затрыманых, прыкоўваў да батарэі».
Па сцвярджэнні канала, Ціхі нарадзіўся 29 кастрычніка 1993 года і скончыў юрыдычны факультэт Гродзенскага дзяржаўнага ўніверсітэта імя Янкі Купалы. Чалавек з такімі дадзенымі сапраўды ёсць у спісе студэнтаў за 2014 год. Верагодна, ён выпусціўся ў 2015 годзе. Вывучаў «Крыніцы міжнароднага прыватнага права». Пазначылі таксама ВКонтакте хлопца, але яго старонка закрытая.
Сяргей Ціхі ўсё яшчэ пазначаны як начальнік аддзялення, але гэты раздзел сайта райвыканкама не абнаўляўся з 2019 года.
Па нумарах, пазначаных на сайце, заявілі, што Сяргей Уладзіміравіч «даўно тут не працуе», а новы начальнік — Долатаў Антон Паўлавіч.
Чытайце таксама:
Новы сувенір у выглядзе "раскладанкі" са знакавымі аб'ектамі Гродна ствараюць улады. Яго выканаюць у выглядзе…
Некалькі сотняў Дзядоў Марозаў, Снягурак, сабачак, вавёрачак і разнастайных іншых персанажаў 20 снежня прайшлі ад…
Трохпакаёвая кватэра знаходзіцца на вуліцы Савецкіх Пагранічнікаў. Сцены ў ёй абвешаныя рэпрадукцыямі, дзвярныя праёмы выкананы…
Спецыяльнае праграмнае забеспячэнне для сачэння за актыўнасцю ў камп'ютарах закупляе Гродзенскае агенцтва па дзяржаўнай рэгістрацыі…
У Гродне рэканструююць тэрыторыю, прылеглую да вадаёма па вул. Рэпіна. Там жа ўладкуюць дзіцячую інклюзіўную…
У Гродне адкрылася выстава, прысвечаная мясцоваму ўраджэнцу мастаку Льву Баксту. Экспазіцыю размясцілі ў харальнай сінагозе,…