Да лістапада 2023 года ў Гродне плануюць пракласці ўчастак дарогі ад вуліцы Карскага да Азёрскай шашы. Гэта будзе частка вялікага аб’язднога кола, паведаміў «Гродна Плюс».
Даўжыня новага ўчастка дарогі складзе амаль 1,8 км. Там пабудуюць два спараныя пуцеправоды над чыгуначным перагонам «Гродна — Аўльс», танэль на дарогай Р-145 (шлях з Гродна на Астрыну і Радунь), а таксама падземны пешаходны пераход даўжынёй 38 метраў. Яго размесцяць паміж «Гродна Азот» і Гродзенскім механічным заводам. Уздоўж усёй трасы арганізуюць пешаходную дарожку і веладарожку шырынёй 2,5 м.
З-за будаўніцтва пуцепровада выезд у бок Путрышак на скрыжыванні Азёрскай шашы і будучага аб’язднога кальца перакрыюць з 30 траўня па 31 жніўня 2023 года. Падчас закрыцця руху арганізуюць часовую схему аб’езду. Зараз адсыпаюць часовы з’езд, па якім зможа ездзіць пасажырскі транспарт.
На «Гродна Азот», якое знаходзіцца побач з будпляцоўкай, будуць працаваць 11 субпадрадных арганізацый. Яны будуць выносіць і пераўладкоўваць сеткі энэргазабеспячэння, вадаправод, каналізацыю, а таксама сеткі сувязі.
У перспектыве новая кальцавая магістраль выйдзе на жылы мікрараён Грандзічы, а адтуль — на аўтадарогу Гродна-Друскенікі міма КБМ. Усе 40 кіламетраў новай дарогі будуць цалкам асветлены. Па ёй пракладуць тралейбусныя лініі.
Чытайце таксама: Аб’язная магістраль вакол Гродна вызначыць развіццё горада на 50 гадоў
Гіды і экскурсаводы ў Беларусі цяпер павінны ведаць асновы дзяржаўнай ідэалогіі. Такое патрабаванне з'явілася ў…
Айцец Андрэй Крот з Гродна быў у дэлегацыі беларускіх святароў, якая сустрэлася з новым пантыфікам.…
Фатаграфія кабінкі для перапранання на пляжы ў Ласосна патрапіла ў рэдакцыю Hrodna.life. Драўляныя балкі ў…
Псіхолага і дырэктарку ліквідаванага Гродзенскага дзіцячага хоспісу Вольгу Вялічку выключылі са спісу дэлегатаў Каардынацыйнай Рады…
Мужчына вяртае ў гняздо буслам птушаня, якое выпала, - такое відэа ў апошні тыдзень набірае…
Гарадскі выпускны пройдзе 13 чэрвеня на Савецкай плошчы. Запланавана ўрачыстае шэсце і выступленні беларускіх артыстаў.…