Скідзель. Фота БелТА
Генеральны план Скідзеля — горада-спадарожніка Гродна — створаць да снежня 2024 года. Яго робяць, каб сфармаваць стратэгію комплекснага горадабудаўнічага развіцця.
Скідзель знаходзіцца за 25 км ад Гродна. У ім жыве больш за 10 тысяч чалавек. Горад вядомы з 1501 года. Статус горада раённага падпарадкавання ён атрымаў у 1974 годзе, а статус горада-спадарожніка Гродна — у 2014 годзе.
Зараз у Скідзелі ёсць «Агракамбінат «Скідзельскі», філіял па перапрацоўцы масласямян рапсу, чатыры свінагадоўчыя комплексы, дзве птушкафабрыкі, Скідзельскі цукровы камбінат, Завод медыцынскіх прэпаратаў, Скідзельскі завод жалезабетонных вырабаў, Скідзельскі масласырзавод і іншыя прадпрыемствы.
Для пачатку вызначаць асноўныя параметры сацыяльна-эканамічнага і тэрытарыяльнага развіцця горада. Пазней распрацуюць мадэль тэрытарыяльнага развіцця горада і планіровачную структуру. А таксама — функцыянальнае занаванне горада з улікам яго развіцця і прапановы па развіцці сацыяльнай, транспартнай і інжынернай інфраструктуры.
Пры стварэнні плана ўлічаць захаванне гісторыка-культурных каштоўнасцяў, эфектыўнае выкарыстанне гарадскіх і прыгарадных тэрыторый. А таксама — ахову навакольнага асяроддзя, фарміраванне бяспечнага і экалагічна спрыяльнага асяроддзя жыццядзейнасці насельніцтва, устойлівае функцыянаванне элементаў прыроднага комплексу.
Пазней распрацуюць мерапрыемствы па рэалізацыі рашэнняў генплана. Першачарговыя мерапрыемствы запланаваны на 2030 года, разліковы тэрмін — 2040 год. Пры стварэнні ўлічаць яго ролю ў складзе Гродзенскай агламерацыі і сістэмы рассялення Гродзенскага раёна.
Заказчыкам выступае Міністэрства архітэктуры і будаўніцтва. Распрацоўка плана каштуе 231 000 рублёў. Іх выдзеляць з рэспубліканскага бюджэту.
Чытайце таксама: Прэзідэнт скарэктаваў генеральны план Гродна
Гродзенскі краязнаўца Аляксандр Перагудаў знайшоў у расійскіх фондах шэраг малавядомых здымкаў Гродна часоў Першай сусветнай…
У траўні беларусы сталі актыўна абмяркоўваць знікненне бульбы з паліц у крамах. Звярнулі ўвагу і…
Гарадское і сельскае насельніцтва Беларусі скарачаецца. Згодна з Белстатам, у Гродне і Лідзе сітуацыя выглядае…
Сцэнічны комплекс на святкаванне Дня Перамогі ў Гродне 9 траўня абыйдзецца гарадскому бюджэту ў 12…
Непаўналетняга падлетка з Гродзенскага раёна спрабавалі прыцягнуць да адміністрацыйнай адказнасці за распіццё алкаголю ў грамадскім…
Салон прыгажосці Mateo запусціў праект «Незвычайная маці». Паўдзельнічаць у ім могуць жанчыны, якія выхоўваюць дзяцей…